وکی لیکس کے بانی کو جیل میں شادی کرنے کی اجازت مل گئی

عروبہ خان

13th Nov, 2021. 09:59 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وکی لیکس کے بانی کو جیل میں شادی کرنے کی اجازت مل گئی

وکی لیکس ویب سائٹ کے بانی جولین اسانج کو جیل میں اپنی ساتھی اسٹیلا مورس سے شادی کرنے کی اجازت دے دی گئی ہے۔

رپورٹس میں بتایا گیا ہے کہ جولین اسانج جو کہ سال 2019 سے بیلمارش کی جیل میں قید ہیں، کچھ عرصہ قبل جیل کے گورنر کو شادی کرنے کے حوالے سے درخواست جمع کرائی تھی ۔

جولین کی اس درخواست کو میرج ایکٹ 1983 کے تحت قبول کرتے ہوئے انہیں جیل میں اسٹیلا کے ساتھ شادی کرنے کی اجازت دی گئی ہے۔

اس حوالے سے جیل خانہ جات کے ترجمان کا کہنا ہے کہ جولین اسانج کی درخواست موصول ہوئی تھی اور اسے کسی بھی دوسرے قیدی کی درخواست کی مانند معمول کی ایک درخواست کے طور پر نمٹایا گیا۔

واضح رہے کہ میرج ایکٹ 1983 کے تحت جیل کے قیدی یہ حق رکھتے ہیں کہ وہ جیل میں شادی کرنے کی درخواست دے سکتے ہیں تاہم درخواست گزار کے لیے ضروری ہوتا ہے کہ وہ شادی کے تمام اخراجات اٹھانے کی اہلیت رکھتا ہو۔

خیال رہے کہ جولین اور اسٹیلا سال 2015 سے ایک دوسرے کو جانتے ہیں اور ان کے دو بیٹے بھی ہیں جن کی پرورز اسٹیلا اکیلے ہی کر رہی ہیں۔