امریکا، پہلی بار ایک مسلم شخصیت سفیر برائے بین الاقوامی مذہبی آزادی مقرر

ویب ڈیسک

18th Dec, 2021. 10:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امریکا، پہلی بار ایک مسلم شخصیت سفیر برائے بین الاقوامی مذہبی آزادی مقرر

امریکا میں پہلی بار ایک مسلمان کی بطور ’’سفیر برائے بین الاقوامی مذہبی آزادی‘‘ تعیناتی کردی گئی۔

امریکی صدر جو بائیڈن کی طرف سے 30 جولائی کو ’’امریکی سفیر برائے بین الاقوامی مذہبی آزادی‘‘ کے طور پر تجویز کردہ رشد حسین کی امیدواری پر کل سینیٹ کی جنرل اسمبلی میں رائے دہی ہوئی۔

رشد حسین کو 5 کے مقابلے میں 85 ووٹوں سے کامیاب قرار دیا گیا۔ وہ اس عہدے پر تعینات ہونے والے پہلے مسلمان بن گئے۔

رشد حسین امریکی ریاست واؤمنگ میں ہندوستانی نژاد مسلم خاندان میں پیدا ہوئے۔ اُنہوں نے سیاسیات، عربی اور اسلامی علوم کی تعلیم حاصل کی اور ییل یونیورسٹی سے ’’پروفیسر‘‘ کا خطاب حاصل کیا۔

رشد حسین امریکی قومی سلامتی کونسل میں شراکت داری اور عالمی مواصلات کے ڈائریکٹر ہیں اور اس سے قبل امریکی محکمہ انصاف کے قومی سلامتی ڈویژن کے لیے بھی کام کر چکے ہیں۔

رشد حسین نے سابق امریکی صدر باراک اوباما کے دور میں اسلامی تعاون تنظیم میں امریکا کے خصوصی ایلچی اور اسٹریٹجک انسداد دہشت گردی کے خصوصی نمائندے کے طور پر بھی خدمات سر انجام دیں۔