عرب اتحاد، یمنی صوبے مارب میں حوثیوں پر حملے، 215 جنگجو ہلاک

ویب ڈیسک

14th Dec, 2021. 12:35 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عرب اتحاد، یمنی صوبے مارب میں حوثیوں پر حملے، 215 جنگجو ہلاک

عرب اتحادی افواج نے اعلان کیا ہے کہ یمن کے صوبے مارب اور مغربی ساحل میں حوثیوں کے ٹھکانوں پر حملوں میں 215 جنگجو مارے گئے۔

سعودی عرب کی سرکاری خبر ایجنسی ایس پی اے کے مطابق یمن میں حکومتی اتحاد کے جاری کردہ بیان میں کہا گیا ہے کہ صوبے مارب میں گزشتہ 24 گھنٹوں کے دوران 35 فضائی آپریشن کیے گئے۔

مارب میں 200 سے زیادہ اور مغربی ساحل پر 15 حوثی جنگجوؤں کو ہلاک کر دیا گیا جبکہ دو علاقوں میں 23 فوجی گاڑیاں تباہ کر دی گئیں۔

حوثیوں سے وابستہ صبا نیوز ایجنسی کی فراہم کردہ معلومات کے مطابق اتحادی افواج نے مارب صوبے میں 25 فضائی حملے کیے ہیں۔

وزارت دفاع کے ملٹری آپریشنز ڈپارٹمنٹ کے سربراہ میجر جنرل ناصر زیبانی جو یمن میں حوثی ملیشیا کے خلاف اہم جنگ لڑ رہے تھے، مارب میں ہونے والی جھڑپوں میں جان سے ہاتھ دھو بیٹھے ہیں۔

یمنی فوج سے وابستہ عسکری ذرائع سے موصول ہونے والی معلومات کے مطابق مارب میں حوثیوں اور حکومتی فورسز کے درمیان شدید جھڑپوں میں میجر جنرل زیبانی سمیت ان کے کچھ فوجی بھی ہلاک ہوئے ہیں۔

میجر جنرل زیبانی کی ہلاکت کے حوالے سے یمنی حکومت کی جانب سے تاحال کوئی بیان سامنے نہیں آیا۔