کورونا کے باعث سال 2020 میں امریکیوں کی اوسط عمر میں زبردست کمی ریکارڈ کی گئی ہے۔

غیر ملکی خبر رساں ادارے کے مطابق بدھ کو جاری کردی سرکاری اعداد و شمار میں کہا گیا ہے کہ سال 2020 میں امریکیوں کی اوسط عمر میں سال 2020 میں 1 اعشاریہ 8 کمی ریکارڈ کی گئی ہے جبکہ اتنی بڑئ  گراوٹ کی وجہ کورونا وبا کو قرار دیا گیا ہے۔

رپورٹ کے مطابق سینٹرز فار ڈیزیز کنٹرول اینڈ پریونشن کی جانب سے جاری کردہ رپورٹ میں کہا گیا ہے کہ گزشتہ سال امریکیوں کی اوسط عمر 77 سال رہی جبکہ 2019 میں 78 اعشاریہ 8 ریکارڈ کی گئی جس میں مردوں کی اوسط عمر 74 اعشاریہ 2 اور خواتین کی 79 اعشاریہ 9 رہی۔

رپورٹ کے مطابق شہریوں کی اموات کی وجوہات میں عالمی وبا کورونا وائرس کو تیسری بڑی وجہ قرار دیا گیا ہے جبکہ گزشتہ سال کل اموات کی تعداد 3 لاکھ 50 ہزار رہی جس میں سے سب سے زیادہ اموات حادثات کی رپورٹ ہوئی جن کی تعداد 2 لاکھ کے قریب بتائی گئی ہے۔

رپورٹ کے مطابق امریکیوں کی اموات کی دوسری بڑی وجہ ذیابیطس کو قرار دیا گیا ہے جس سے 1 لاکھ امریکی شہری لقمہ اجل بنے جبکہ پہلی بار امریکی شہری ذیابیطس سے اتنی بڑی تعداد میں ہلاک ہوئے ہیں۔

امریکی مردم شماری بیورو کی جانب سے تازی ترین اعداد و شمار کے مطابق وبائی مرض نے امریکی آبادی میں اضافے کو تاریخ کی کم ترین سطح پر پہنچادیا ہے، یکم جولائی 2021 تک امریکی آبادی میں صرف 1 فیصد ہوا جو امریکا کے قیام سے لے کر اب تک کی سب سے کم ترین شرح ہے۔