آئی ایم ایف نے ایمرجنسی فنڈنگ میں توسیع کردی

ویب ڈیسک

24th Dec, 2021. 04:59 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آئی ایم ایف نے ایمرجنسی فنڈنگ میں توسیع کردی

کورونا سے شدید متاثر ممالک کے لیے آئی ایم ایف نے ایمرجنسی فنڈنگ میں 18 ماہ کی توسیع کردی ہے۔

غیر ملکی خبر رساں ادارے کے مطابق آئی ایم ایف کے ایگزیکٹیو بورڈ نے جون 2023 تک مالیاتی معاہدوں میں عارضی طور پر توسیع کی ہے جبکہ ایگزیکٹیو بورڈ نے عارضی طور پر بڑھائی گئی دیگر مالیاتی معاہدوں میں یکم جنوری 2022 سے وبا سے پہلے کی سطح تک کمی کردی جائے گی۔

یہ بھی پڑھیں: فرانس میں کورونا وار میں تیزی، 13 ماہ بعد ریکارڈ کیسز رپورٹ

رپورٹ کے مطابق ہنگامی حالات سے نمٹنے کے لیے آئی ایم ایف بہت جلد ایمرجنسی فنڈنگ دینا شروع کردے گا جبکہ آئی ایم ایف نے ایک پروگرام کے تحت غریب ترین ممالک کی مدد کے لیے قرضوں کے ریلیف کے پانچویں اور آخری راؤنڈ کی منظوری دی ہے۔

واضح رہے کہ آئی ایم ایف کی جانب سے پہلے بھی دو مرتبہ پروگراموں میں توسیع کی جاچکی ہیں جبکہ پروگرام میں پہلی توسیع ستمبر 2020 اور دوسری رواں سال مارچ کے مہینے میں دی گئی تھی۔

یہ بھی پڑھیں: جنوبی افریقا میں فوری طور پر کورونا کی بوسٹر ڈوز لگانے کی منظوری

یاد رہے کہ عالمی وبا کورونا وائرس کی وجہ سے دنیا بھر کی معیشتوں کو نقصان اٹھانا پڑا تھا اور اس وبا کے باعث لاکھوں افراد بھی بے روزگار ہوگئے تھے جبکہ اب ایک دفعہ پھر اومیکرون کے پھیلاؤ کی وجہ سے متعدد ممالک نے سخت اقدامات اٹھانا شروع کردیے ہیں۔