بھارت میں بھی کورونا ویریئنٹ اومیکرون کے 2 کیس سامنے آگئے

ویب ڈیسک

02nd Dec, 2021. 06:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارت میں بھی کورونا ویریئنٹ اومیکرون کے 2 کیس سامنے آگئے

بھارتی حکومت کی جانب سے جنوبی ریاست کرناٹک میں 66 سالہ اور 46 سالہ دو مردوں میں اومیکرون ویریئنٹ کے پہلے کیس کی تصدیق کی گئی ہے۔

بھارتی حکومت کے ترجمان کے مطابق دونوں مریضوں کو آبزرویشن میں رکھا گیا ہے جبکہ ان کے رابطے میں آنے والوں کی شناخت کے بعد ان کے کورونا ٹیسٹ کیے جا رہے ہیں۔

دارالحکومت دہلی اور مغربی ریاست مہارشٹرا میں متاثرہ مریضوں کے نمونے لیے گئے جنہیں ویریئنٹ کی تصدیق کیلیے بھیجا گیا ہے۔ اومیکرون کیسز رپورٹ ہونے کے بعد متعدد بھارتی شہروں اور ریاستوں میں حکام الرٹ ہوگئے۔

گزشتہ روز بھارت نے بھی نئی بین الاقوامی سفری پابندیوں کا اجرا کردیا تھا۔ نئی ہدایات کے مطابق ’’ہائی رسک‘‘ ممالک جن میں برطانیہ، جنوبی افریقا، نیوزی لینڈ، بنگلہ دیش، ہانگ کانگ اور اسرائیل شامل ہیں، سے آنے والے مسافروں کا بھارت پہنچنے پر کورونا ٹیسٹ کیا جائے گا اور وہ ٹیسٹ کے نتائج آنے سے پہلے ایئرپورٹ نہیں چھوڑ سکیں گے۔

جن مسافروں کا ٹیسٹ مثبت آئے گا انہیں قرنطینہ کرکے علاج کیا جائے گا۔ منفی ٹیسٹ کے حامل مسافروں کو گھر پر سات روز قرنطینہ اختیار کرنا ہوگا اور پھر آٹھویں روز لازمی کورونا ٹیسٹ کرانا ہوگا۔