ملائیشیا، تباہ کن سیلاب سے ہلاکتوں کی تعداد 27 ہوگئی، 70 ہزار بے گھر

ویب ڈیسک

22nd Dec, 2021. 08:48 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملائیشیا، تباہ کن سیلاب سے ہلاکتوں کی تعداد 27 ہوگئی، 70 ہزار بے گھر

ملائیشیا میں آنے والے بدترین سیلاب نے بڑے پیمانے پر تباہی مچادی۔ اب تک 27 افراد ہلاک اور 70 ہزار بے گھر ہوچکے ہیں۔

ملائیشیا کی جنوبی اور مغربی 6 ریاستوں میں مسلسل ہونے والی طوفانی بارشوں سے بیراج ٹوٹنے اور طغیانی کے باعث سمندر کا پانی رہائشی علاقوں میں داخل ہوگیا۔ سیلابی ریلے نے اپنے راستے میں آنے والی ہر چیز کو تہس نہس کرکے رکھ دیا۔

ملائیشیا میں یہ سال کا بدترین سیلاب ثابت ہوا ہے جس میں ہلاکتوں کی تعداد 27 ہوگئی جبکہ 70 ہزار سے زائد افراد بے گھر ہوگئے۔ سب سے زیادہ ہلاکتیں سلینگور ریاست میں ہوئیں جہاں 20 افراد ہلاک ہوئے۔

رہائشی علاقوں میں پانی بھر گیا اور شہری گھر بار چھوڑ کر اسکولوں کی چھتوں اور بلند عمارتوں پر پناہ لینے پر مجبور ہوگئے۔

امدادی کاموں میں ریسکیو ٹیموں کی مدد کے لیے فوج بھی پیش پیش ہے۔ چھوٹی کشتیوں کے ذریعے متاثرین میں کھانا تقسیم کیا جا رہا ہے۔ ریسکیو ٹیموں کو امدادی کاموں میں مشکلات کا سامنا ہے۔

محکمہ موسمیات نے موسم کی خرابی کے باعث شہریوں کو ساحلی علاقوں میں جانے سے منع کرتے ہوئے خبردار کیا ہے کہ طوفانی بارشوں کا سلسلہ مزید چند روز جاری رہے گا۔