امارات اسلامیہ افغانستان کا تحریک طالبان پاکستان سے اعلانِ لا تعلقی

ویب ڈیسک

12th Dec, 2021. 12:56 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امارات اسلامیہ افغانستان کا تحریک طالبان پاکستان سے اعلانِ لا تعلقی

ترجمان افغان طالبان ذبیح اللہ مجاہد نے تحریک طالبان پاکستان کے امارات اسلامیہ افغانستان سے وابستگی کے دعوے کو مسترد کرتے ہوئے کہا ہے کہ اس تنظیم سے ہمارا کوئی تعلق نہیں ہے۔

امارت اسلامیہ افغانستان کے نائب وزیر اطلاعات ذبیح اللہ مجاہد نے عرب نیوز کو انٹرویو میں کہا کہ نہ تو تحریکِ طالبان پاکستان کا افغانستان کی طالبان حکومت سے کوئی تعلق ہے اور نہ ہی ہمارے مقاصد یکساں ہیں۔

ذبیح اللہ مجاہد نے افغان سرزمین کسی بھی دوسرے ملک کے خلاف استعمال نہ ہونے دینے کے عزم کا اعادہ کرتے ہوئے کہا کہ ٹی ٹی پی پاکستان کا اندرونی معاملہ ہے اور ہم دوسرے ممالک کے معاملات میں مداخلت نہ کرنے کے اپنے مؤقف پر قائم ہیں۔

ترجمان طالبان نے مزید کہا کہ ہمارے لیے اہم بات ملک دشمن عناصر کو خطے اور پاکستان میں مداخلت سے روکنا ہے۔

واضح رہے کہ کالعدم تحریک طالبان پاکستان کے سربراہ مفتی نور ولی محسود کی ایک وڈیو سوشل میڈیا پر وائرل ہورہی ہے جس میں انہوں نے کہا کہ ٹی ٹی پی امارات اسلامیہ افغانستان کا حصہ ہے۔