اومیکرون، امریکا اور کینیڈا اسرائیلی ریڈ لسٹ میں شامل، جرمنی کی برطانیہ پر پابندی

ویب ڈیسک

20th Dec, 2021. 09:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اومیکرون، امریکا اور کینیڈا اسرائیلی ریڈ لسٹ میں شامل، جرمنی کی برطانیہ پر پابندی

اسرائیل نے آج امریکا اور کینیڈا کو سفری پابندیوں کی ریڈ لسٹ میں شامل کر دیا۔

اِس فیصلے کی وجہ ان دونوں ممالک میں کورونا وائرس کے ویریئنٹ اومیکرون کا پھیلاؤ ہے۔

اسرائیلی وزیراعظم نیفٹالی بینیٹ کے دفتر سے جاری ہونے والے بیان کے مطابق کابینہ کی طرف سے منظور کیے گئے اس فیصلے پر عمل درآمد کل منگل سے شروع ہوگا۔

اِس فیصلے کے تحت اسرائیلی شہریوں کو خصوصی اجازت نامے کے بغیر امریکا یا کینیڈا کا سفر کرنے سے روک دیا گیا ہے۔

اُدھر برطانیہ میں اومیکرون کے بڑھتے کیسز کے باعث جرمنی نے جُزوی پابندی عائد کردی۔

جرمنی نے برطانیہ کو ان ممالک کی فہرست میں شامل کر دیا ہے جہاں کورونا وائرس کا ویریئنٹ اومیکرون تیزی سے پھیل رہا ہے۔

اِس پیشرفت کے بعد ہوائی کمپنیاں برطانیہ سے صرف انہی مسافروں کو جرمنی لا سکتی ہیں جو یا تو جرمن شہری ہوں یا پھر جرمنی کے رہائشی تاہم پروازوں پر پابندی عائد نہیں کی گئی۔ ریل اور بحری جہاز کے ذریعے سفر پر بھی اِسی قانون کا اطلاق ہوگا۔

اومیکرون ویریئنٹ سے متاثرہ ممالک سے جرمنی آنے والے افراد کے لیے دو ہفتے قرنطینہ میں رہنا لازمی ہوگا چاہے وہ ویکسین مکمل کروا چکے ہوں یا کورونا سے صحت یاب ہوچکے ہوں۔