عرب عسکری اتحاد کا حوثی باغیوں کے خلاف ٹارگیٹڈ آپریشن

ویب ڈیسک

24th Dec, 2021. 01:02 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عرب عسکری اتحاد کا حوثی باغیوں کے خلاف ٹارگیٹڈ آپریشن

عرب عسکری اتحاد برائے یمن نے کہا ہے کہ گزشتہ 24 گھنٹوں کے دوران یمن کی کمشنری مارب میں حوثیوں کے ٹھکانوں پر 36 حملے کیے گئے۔

اخبار 24 کے مطابق عرب اتحاد کا مزید کہنا ہے کہ اتحادی فورسز کے آپریشن دوران 310 سے زیادہ حوثی باغیوں کو ہلاک اور 28 عسکری گاڑیاں تباہ کردی گئیں۔

عرب عسکری اتحاد کا کہنا ہے کہ حوثی دہشتگرد مارب میں شہریوں اور سول تنصیبات کو نشانہ بنانے کی کوشش کرتے رہتے ہیں تاہم ان کی کوششوں کو ناکام بنانے کے سلسلے میں پرعزم ہیں۔

واضح رہے اس سے قبل اتحادی فورسز نے صنعا کے ائیرپورٹ پرٹارگٹڈ آپریشن کرکے حوثی دہشتگردوں کے ڈرون اڈوں اور اسلحہ کے ذخیرے کے علاوہ حوثی دہشتگردوں کی تربیت گاہ کو بھی تباہ کیا تھا۔

صنعا ایئرپورٹ پر کیے گئے ٹارگٹڈ آپریشن کے دوران سول تنصیبات کو نقصان نہیں پہنچا تھا۔ آپریشن کا مقصد حوثی دہشتگردوں کی عسکری کارروائیوں کو روکنا ہے۔