سعودی عرب: سفری پابندی والے ممالک سے آنیوالوں کیلیے نئی ہدایت

ویب ڈیسک

09th Dec, 2021. 10:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سعودی عرب: سفری پابندی والے ممالک سے آنیوالوں کیلیے نئی ہدایت

سعودی عرب کے محکمہ سول ایوی ایشن نے کہا ہے کہ سفری پابندی والے ممالک سے سعودی عرب آنے والے شہریوں کو پانچ دن ہاؤس آئسولیشن (گھر میں قرنطینہ) میں رہنا ہوگا۔

سبق ویب سائٹ کے مطابق سعودی سول ایوی ایشن نے نئی ہدایت تمام فضائی کمپنیوں کے علاوہ نجی فضائی سروس فراہم کرنے والے اداروں کو بھی دے دی ہیں۔

سعودی سول ایوی ایشن نے کہا ہے کہ جن ممالک سے براہ راست پروازوں کی پابندی ہے وہاں سے آنے والے شہریوں کے لیے ہدایت ہے کہ وہ پانچ دن کے لیے خود کو گھر تک لازمی طور پر محدود رکھیں۔

سعودی سول ایوی ایشن نے مسافروں کو ہدایت کی کہ سعودی عرب آمد کے پہلے دن اور پھر پانچویں دن انہیں پی سی آر ٹیسٹ کرانا ہوگا۔

سعودی سول ایوی ایشن نے واضح کیا کہ نئی ہدایت پر ہر حال میں عمل کرنا لازمی ہے خواہ توکلنا میں مسافر کا جو بھی اسٹیٹس موجود ہو۔

واضح رہے کہ سعودی عرب نے اومیکرون کے باعث 14 ممالک سے آنے والے شہریوں پر سفری پابندی عائد کر رکھی ہے۔