نیویارک: قومی امور کے تجزیہ کار جان ہیلی مین نے ایک شو میں دعوی کیا ہے کہ 2 سے 3 کروڑ امریکی شہری صدر جوبائیڈن کو عہدے سے ہٹانے کے لیے “ہتھیار اٹھانے” کو تیار ہیں۔

غیر ملکی خبر رساں ادارے کی رپورٹ کے مطابق اتوار کو میٹ دی پریس میں میزبان چک ٹوڈ نے ایک حالیہ بحر اوقیانوس مضمون کی جانب توجہ مبذول کروائی جس میں کہا گیا تھا کہ ’سابق صدر ڈونلڈ ٹرمپ کی بغاوت شروع ہوچکی ہے‘ جبکہ ہیلی مین نے اس سے مکمل اتفاق کیا۔

ہیلی مین نے ایک تحقیق کا حوالہ دیتے ہوئے بتایا کہ امریکا کے 8 سے 12 فیصد لوگوں کا ماننا ہے کہ صدر جوبائیڈن کا انتخاب ناجائز تھا اور انہیں ہٹاکر ڈونلڈ ٹرمپ کو بحال کرنے کے لیے تشدد کا راستہ ایک مناسب ذریعہ ہے۔

ہیلی مین کا کہنا تھا کہ یہ تحقیق 2 سے 3 کروڑ لوگوں کی نمائندگی کرتی ہے جبکہ ٹرمپ کے یہی حامی سیاسی تشدد کے حق میں عوامی تحریک کی بھی نمائندگی کرتے ہیں۔

آرٹیکل میں بارٹن گیلی مین کے مطابق ٹرمپ کے حامی متشدد کاروائیوں کی بجائے بغاوت کا راستہ اپنانے کے لیے تیار ہیں جبکہ 6 جنوری کو امریکی پارلیمنٹ پر ہونے والی یلغار بھی اسی سلسلے کی ایک کڑی ہے۔

گیل مین کا دعویٰ ہے کہ ٹرمپ اور ان کے حامیوں کی سیاسی چالبازیوں کے ساتھ ساتھ قومی اور مقامی طور پر صحیح پوزیشنز پر حامیوں کی تقرری، 2024 کے صدارتی انتخابات کا باعث بن سکتی ہے جس کا فیصلہ ووٹوں سے نہیں ہوگا۔