یوکرائن بحران، نومنتخب جرمن حکومت کی روس کو سنگین نتائج کی دھمکی

ویب ڈیسک

09th Dec, 2021. 09:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

یوکرائن بحران، نومنتخب جرمن حکومت کی روس کو سنگین نتائج کی دھمکی

یوکرائن پر ممکنہ جارحیت کے حوالے سے روس پر عالمی دباؤ میں روز افزوں اضافہ ہو رہا ہے۔

جرمنی کی نومنتخب وزیر خارجہ اینالینا بئیربوک نے بھی روس کو دھمکی دی ہے کہ اگر یوکرائن کے بگڑتے ہوئے تنازع میں مزید اضافہ ہوا تو اس کے سنگین نتائج برآمد ہوں گے۔

ذمے داریاں سنبھالنے کے بعد یورپی ممالک کے پہلے دورے پر بلجیئم کے دارالحکومت برسلز میں موجود جرمن وزیر خارجہ اینالینا بئیربوک نے فرانسیسی ہم منصب سے گفتگو کرتے ہوئے کہا کہ اگر ماسکو نے یوکرائنی ریاست کی خودمختاری کی خلاف ورزی کی تو اسے بھاری سیاسی اور اقتصادی قیمت ادا کرنا پڑے گی۔

یوکرائنی سرحد کے قریب روسی افواج کی نقل و حرکت پر تشویش کا اظہار کرتے ہوئے جرمن وزیر خارجہ بئیربوک نے زور دے کر کہا کہ ہر صورت فوجی کشیدگی سے گریز کیا جانا چاہیے۔ انہوں نے کہا کہ ہم نے روس سے یوکرائن کی سرحد پر اس کی فوجی سرگرمیوں کی شفاف معلومات کا مطالبہ کیا ہے، یوکرائن بھی تحمل کا مظاہرہ کرے۔

مغربی ممالک الزام عائد کر رہے ہیں کہ روس یوکرائن میں فوجی مداخلت کرنے کی تیاریوں میں مصروف ہے جبکہ روس ان الزامات کو مسترد کرتا ہے۔