بھارت: طالبات سے اجتماعی زیادتی، پرنسپل اور 9 ٹیچرز کیخلاف مقدمہ درج

ویب ڈیسک

08th Dec, 2021. 06:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارت: طالبات سے اجتماعی زیادتی، پرنسپل اور 9 ٹیچرز کیخلاف مقدمہ درج

بھارتی ریاست راجستھان کے الور ضلع میں 9 اساتذہ اور ایک سرکاری اسکول کے پرنسپل کے خلاف چار طالبات کے ساتھ مبینہ طور پر اجتماعی زیادتی اور چھیڑ چھاڑ کرنے کا مقدمہ درج کیا گیا ہے۔

یہ واقعہ اس وقت سامنے آیا جب 10 ویں جماعت کی ایک متاثرہ طالبہ کے والد نے پوچھا کہ وہ اسکول کیوں نہیں جا رہی ۔ متاثرہ لڑکی نےبتایا کہ اس کے اسکول کے پرنسپل اور تین دیگر اساتذہ نے ایک سال سے زیادہ عرصے تک اس کے ساتھ اجتماعی زیادتی کی ہے ۔

متاثرہ طالبہ کی جانب سے دو خواتین اساتذہ پر اس فعل کی ویڈیو بنانے کا الزام بھی لگایا گیا ہے۔

بھارتی میڈیا کی رپورٹ کے مطابق اس واقعے میں مبینہ طور پر ملوث 9 ٹیچرز اور پرنسپل کو گرفتار کیا گیا ہے جن پر 4 طالبات کو اجتماعی زیادتی کا نشانہ بنانے کا الزام ہے۔

متاثرہ لڑکی کے والد کا کہنا ہےکہ اسکول جاکر شکایت کر نے پر پرنسپل کی جانب سے انہیں جان سے مارنے کی دھمکیاں دی گئیں۔

مندھانا پولیس اسٹیشن کے افسر مکیش یادو کا کہنا ہے کہ اس معاملے کے سلسلے میں تین مختلف کیس درج کیے گئے ہیں اور پولیس اس معاملے کی تحقیقات کر رہی ہے۔