فرانس کے شہر لی مینس کے ایک ویکسینیشن سینٹر میں 5 سے 11 سال کے 6 بچوں کو غلط اور زائد مقدار میں کورونا ویکسین لگا دی گئی۔
فرانسیسی ہیلتھ ایجنسی اور گورنر کے دفتر سے جاری بیان کے مطابق لی مینس شہر میں 18 دسمبر بروز ہفتہ شہر کے ویکسینیشن سینٹر میں 6 بچوں کو مطلوبہ سے مختلف اور زائد مقدار میں کورونا ویکسین لگا دی گئی ہے۔
بیان کے مطابق 5 سے 11 سالہ بچوں کو عام طور پر 10 ملی گرام فائزر پیڈیاٹرک اور 12 سال سے زائد عمر کے بچوں کو 30 ملی گرام فائزر کومرنیٹی ویکسین لگائی جا رہی ہے لیکن مذکورہ 6 بچوں کو 20 ملی گرام فائزر کومرنیٹی لگا دی گئی۔
غلطی کا احساس ہونے کے بعد بچوں کے والدین کو بخار یا درد جیسے مابعد اثرات پر نگاہ رکھنے کے بارے میں معلومات فراہم کر دی گئی ہیں۔
Advertisement
بیان کے مطابق 5 بچوں میں کوئی سائیڈ افیکٹ دیکھنے میں نہیں آئے لیکن ایک بچے نے تھکن اور درد کی شکایت کی ہے۔
فرانس کے وزیراعظم یان کاسٹیکس نے اُسی روز مذکورہ ویکسینیشن سینٹر کا دورہ کیا تھا اور دوسری یا تیسری ڈوز لگوانے کے لئے جمع افراد سے بات چیت بھی کی تھی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
