برطانیہ نے آج سے تمام 11 افریقی ممالک کو سفری پابندیوں کی ریڈ لسٹ سے نکالنے کا اعلان کردیا۔
برطانوی وزیرِ صحت ساجد جاوید کا کہنا ہے کہ اومیکرون کا خطرہ کم کرنے کے لیے سفری پابندیاں اب مؤثر نہیں۔
اس اعلان کے بعد اب انگلولا، بوٹسوانا، ایسواٹینی، لیسوتھو، ملاوی، موزمبیق، نمیبیا، نائیجیریا، جنوبی افریقا، زیمبیا اور زمبابوے سے برطانیہ آنے والے مسافروں کو ہوٹل میں قرنطینہ نہیں کرنا پڑے گا۔
برطانیہ میں عالمی وبا کووڈ 19 کے آغاز سے اب تک ایک روز میں کورونا کیسز کی تعداد کا نیا ریکارڈ سامنے آیا ہے۔ گزشتہ 24 گھنٹوں کے دوران کورونا کے 78 ہزار 610 نئے کیسز رپورٹ ہوئے ہیں۔
Advertisement
برطانیہ میں اس سے پہلے جنوری میں ایک روز کے سب سے زیادہ 68 ہزار 53 کیسز رپورٹ ہوئے تھے۔
24 گھنٹوں کے دوران برطانیہ میں کورونا سے 165 اموات رپورٹ ہوئی ہیں۔
واضح رہے کہ برطانیہ میں اب تک کورونا وائرس کے 1 کروڑ 10 لاکھ 10 ہزار 2 سو 86 کیسز رپورٹ ہوچکے ہیں۔ وبا سے ہوئی اموات کی مجموعی تعداد 1 لاکھ 46 ہزار 7 سو 91 ہے جبکہ 96 لاکھ 17 ہزار 9 سو 41 افراد صحتیاب ہوچکے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
