سعودی خاتون سارہ الزایدی نے پینٹنگ کے علاوہ پتھروں سے فن پارے تیار کیے ہیں۔

خبر رساں ایجنسی کو انٹرویو دیتے ہوئے سعودی مصورہ سارہ الزایدی کا کہنا تھا کہ مجھے مصوری کا شوق تھا جس کی وجہ سے میں نے اس کی تعلیم حاصل کی اور تعلیم سے فراغت حاصل کرنے کے بعد مجھے ایک کمپنی میں ملازمت بھی مل گئی۔

سارہ الزایدی کہتی ہیں میں نے آغاز میں 15 گاڑیوں کی پینٹنگ کی جنہیں عوامی نمائش کے لیے بھی رکھا گیا تھا جبکہ میں نے متعدد مصوروں کے ساتھ کام کیا اور مجھے فنون لطیفہ کے اداروں نے بہت سپورٹ کیا۔

ان کا کہنا تھا کہ میرے نمایاں اور عزیز ترین فن پاروں میں ولی عہد شہزادہ محمد بن سلمان کی پینٹنگ ہے جس کا نام ’ہمتہ جبل‘ ہے اور اسے ہیرے و قیمتی پتھروں سے جڑا گیا ہے، یہ اس لیے تاکہ معلوم ہو کہ ولی عہد تمام عوام کے نزدیک کتنے عزیز ہیں۔

انہوں نے کہا کہ اس شاہکار کو کرنے کے لیے میں دو مرتبہ ریاض گئی تاکہ مناسب پتھر تلاش کیے جائیں اور مناسب پتھروں کی تلاش طویق پہاڑ سے کی گئی جس کی مثال خود ولی عہد نے دی ہے۔

سارہ کا لوگوں کو نصیحت کرتے ہوئے کہنا تھا کہ جو شخص اپنے کام میں کامیابی چاہتا ہے، اسے مشکلات کا بھی سامنا کرنا پڑتا ہے جبکہ معاشرے کے لیے میرا پیغام یہ ہے کہ اتحاد و اتفاق کا مظاہرہ کریں کہ کیونکہ اس میں سب کی بہتری ہے۔