سعودی عرب  ماسک پہننے کے علاوہ سماجی فاصلہ اختیار کرنے کی پابندی دوبارہ عائد کر دی گئی ہے۔

سعودی وزارت داخلہ کا کہنا ہے کہ سعودی عرب میں یہ فیصلہ کورونا وائرس کے بڑھتے ہوئے کیسسز کی وجہ سے کیا گیا ہے، فیصلے کا اطلاق کل 30 دسمبر صبح سات بجے سے ہوگا۔

وزارت داخلہ نے مزید کہا کہ ماسک نا پہننے والوں کو جرمانہ کی سزا ہوگی۔

انہوں نے کہا کہ سعودی حکومت کے نزدیک شہریوں اور غیر ملکی لوگوں کی حفاظت کرنا اولین ترجیح ہے جس کی بنا پر پابندیاں عائد کی جارہی ہے۔

سعودی عرب میں کرونا کے تصدیق شدہ کیسوں میں اضافہ ہو رہا ہے وزارت صحت کے مطابق چوبیس گھنٹوں کے دوران کورونا کے 602 نئے کیسز رپورٹ ہوئے ہیں اور ایک فرد کا انتقال ہوا جب کہ 147 افراد اس وبا سے صحت یاب ہوئے ہیں۔

یہ بھی پڑھیں: سعودی عرب، کورونا کیسز میں اضافہ، ایک موت کی تصدیق، سعودی وزارت صحت

سعودی وزارت تجارت نے دسمبر کے آغاز میں اعلان کیا تھا کہ کرونا وائرس کی بوسٹر خوراک یکم فروری 2022ء سے بازاروں اور تجارتی مراکزمیں داخلے کے لیے لازمی شرط قرار دی ہے۔

واضح رہے کہ کورونا کیسز میں کمی کے باعث وزارت نے ایس او پیز میں نرمی کا اعلان کرتے ہوئے کھلی جگہوں پر ماسک کی پابندی ختم کرنے کا اعلان کیا تھا۔

اب وزارت نے کیسز کی بڑھتی ہوئی شرح کے باعث دوبارہ ماسک اور سماجی فاصلے کی پابندی کا فیصلہ کیا ہے۔