عالمی ادارہ صحت نے دسویں نئی کورونا ویکسین کی منظوری دے دی

ویب ڈیسک

22nd Dec, 2021. 12:34 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عالمی ادارہ صحت نے دسویں نئی کورونا ویکسین کی منظوری دے دی

عالمی ادارہ صحت نے دنیا کی دسویں نئی کورونا ویکسین کے ہنگامی استعمال کی منظوری دے دی۔ نئی ویکسین امریکی دوا ساز کمپنی ’’ںووا ویکس‘‘ نے تیار کیا ہے اور اس کا نام ’’نوویکسویڈ‘‘ ہے۔

فرانسیسی خبر ایجنسی اے ایف پی کے مطابق نئی ویکسین کی دو خوراکوں کی ضرورت ہوتی ہے اور یورپی یونین کے میڈیسن ریگولیٹر نے بھی اسے منظور کرلیا ہے۔

عالمی ادارہ صحت نے کہا ہے کہ دو بڑے کلینیکل ٹرائلز کے نتائج میں سامنے آیا ہے کہ نوویکسویڈ ویکسین 90 فیصد مؤثر ہے۔ امریکا اور میکسیکو میں 45 ہزار افراد پر اس کی ویکسین کی آزمائش کی گئی۔

یہ ویکسین پہلے منظور کی جانے والی ویکسینز کے مقابلے میں روایتی ٹیکنالوجی کی مدد سے تیار کی گئی ہے۔

نوویکسویڈ ویکسین کورونا وائرس پر پائے جانے والے پروٹینز کو استعمال کرنے کی روایتی ٹیکنالوجی سے بنائی گئی ہے جس سے مدافعت پیدا ہوتی ہے۔

عالمی ادارہ صحت کی طرف سے نوویکسویڈ ویکسین کے ہنگامی استعمال کی اجازت دینے سے دنیا بھر کے ممالک کے لیے راستہ کھلا ہے کہ وہ جلد سے جلد ویکسین کی منظوری حاصل کرکے اسے درآمد کر سکیں۔