برطانیہ ایک مرتبہ پھر کورونا کی لپیٹ میں، یومیہ ریکارڈ مثبت کیسز

ویب ڈیسک

16th Dec, 2021. 11:15 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

برطانیہ ایک مرتبہ پھر کورونا کی لپیٹ میں، یومیہ ریکارڈ مثبت کیسز

برطانیہ میں کورونا وبا نے سنگین صورت حال اختیار کرلی ہے اور گزشتہ روز ملک میں ایک دن کے دوران ریکارڈ کورونا مثبت کیسز سامنے آئے ہیں۔

برطانیہ میں ایک دن کے دوران 88 ہزار کے لگ بھگ کورونا مثبت کیسز سامنے آئے ہیں ، اس سے قبل ایک دن میں سب سے زیادہ 78 ہزار 610 کیسزرواں برس جنوری میں رپورٹ ہوئے تھے۔

برطانیہ کی 6 کروڑ 70 آبادی میں سے ایک کروڑ 10 لاکھ سے زائد افراد اب تک اس وبا کا شکار ہوچکے ہیں۔

ماہرین کا کہنا ہے کہ برطانیہ میں نئے مریضوں کی تعداد میں حالیہ اضافے کی بڑی وجہ کورونا کی نئی قسم اومی کرون کا پھیلاؤ ہوسکتا ہے، جس کے بارے میں برطانوی وزیر اعظم پہلے ہی خبردار کرچکے ہیں۔

دو روز قبل برطانوی وزیر اعظم بورس جانسن نے پرسی کانفرنس کے دوران کورونا کے پھیلاؤ کے حوالے سے انتہائی تشویش کا اظہار کیا تھا ، انہوں نے کہا تھا کہ گزشتہ ایک ہفتے کے دوران ملک بھر کے اسپتالوں میں طبی امداد کے لیے آنے والے مریضوں کی تعداد میں 10 فیصد اضافہ ہوا ہے جب کہ لندن میں یہ 33 تک بڑھ گیا ہے۔ ہم اس وبا کی وجہ سے اسپتالوں پر مریضوں کا نیا دباؤ دیکھ رہے ہیں۔ اس سب کے باوجود ہم اچھی امیدیں برقرار ہیں۔