سعودی وزارت دفاع نے دعویٰ کیا ہے کہ یمن میں موجود حوثی باغیوں کی جانب سے سعودی شہر طائف پر کیے گئے میزائل حملے کو ناکام بنا دیا گیا ہے۔
سبق ویب سائٹ کے مطابق سعودی وزارت دفاع نے کہا ہے کہ حوثیوں نے یمن سے طائف شہر کو میزائل سے نشانہ بنانے کی کوشش کی تھی تاہم سعودی فضائیہ کے دفاعی نظام نے بر وقت ایکشن لیتے ہوئے اینٹی میزائل سسٹم کے ذریعے حملے کو ناکام بنا دیا۔
سعودی وزارت دفاع کا کہنا ہے کہ شہریوں کی سلامتی اورحوثیوں کی جانب سے درپیش خطرات کے خاتمے کے لیے منہ توڑ عسکری کارروائی کا سلسلہ جاری رہے گا۔
Advertisement
العربیہ نیٹ کے مطابق عرب عسکری اتحاد برائے یمن نے پیر کے روز مملکت کے جنوبی علاقے کو نشانہ بنانے کی کوشش کرنے والے حوثیوں کے 3 ڈرونز کو تباہ کرنے کی وڈیو بھی جاری کی ہے۔ یہ حملہ اتوار اور پیر کی درمیانی شب کیا گیا تھا۔
عرب فوجی اتحاد کی جانب سے اتوار کو جاری بیان میں کہا گیا تھا کہ سعودی عرب نے نجران کو نشانہ بنانے کی کوشش کرنے والے حوثیوں کے 3 ڈرونز تباہ کردیے۔
عرب عسکری اتحاد نےمزید کہا تھا کہ یمن کے دارالحکومت صنعا سے ڈرونز کو کنٹرول کیا جا رہا تھا جہاں شہریوں کو انسانی ڈھال کے طور پر استعمال کیا جارہا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
