نیو یارک میں خاندانی تنازع کی کال پر پہنچنے والے پولیس اہلکاروں میں سے ایک گولی لگنے سے ہلاک جبکہ ایک شدید زخمی ہوگیا۔

غیر ملکی خبر رساں ادارے کے مطابق اس ہفتے گولیوں کا نشانہ بننے والے تیسرے اور چوتھے نیو یارک پولیس ڈیپارٹمنٹ کے اہلکار تھے۔

اطلاعات کے مطابق جمعے کی شام تین پولیس اہلکاروں نے ہارلیم میں ایک خاتون کی جانب سے 911 پر کی جانے والی کال کے جواب میں وہاں پہنچے۔

چیف ڈیٹیکٹِٹیو جیمز ڈبلیو ایسِج نے پریس کانفرنس میں کہا کہ خاتون کا کہنا تھا کہ ان کا اپنے بڑے بیٹے کے ساتھ جھگڑا ہو رہا تھا۔

پولیس افسران موقع پر پہنچے اور ماں سے بات کی۔

بعد ازاں دو افسر پیچھے کی جانب بیڈ روم بیٹے سے بات کرنے پہنچے۔

47 سالہ لاشان مک نیل کے نام سے شناخت کیے گئے بیٹے نے دو افسران پر فائر کھول دیے۔

ہلاک ہونے والے پولیس اہلکار کی شناخت جیسن رِیورا کے نام سے ہوئی جس نے نومبر 2020 میں فورس میں شمولیت اختیار کی تھی۔

نیو یارک پولیس ڈیپارٹمنٹ کا کہنا تھا کہ نوجوان افسر، جو شادی شدہ تھا، ایک ہیرو تھا۔

شدید زخمی پولیس افسر کی شناخت ولبرٹ مورا کے نام سے ہوئی جن کی عمر 27 سال ہے۔

حکام کا کہنا تھا کہ وہ ہارلیم اسپتال میں انتہائی تشویش ناک حالت میں ہیں۔

فرائض کی انجام دہی کے دوران آخری نیو یارک پولیس کا افسر ستمبر 2019 میں ہلاک ہوا تھا۔