شہزادہ ہیری کا کہنا ہے کہ سیکیورٹی کی کمی وجہ سے اپنی اہلیہ اور اپنے دونوں بچوں کو برطانیہ میں لانا ان کے اختیار میں نہیں۔

37 سالہ شہزادے ہیری، جو 2020 میں اپنی شاہی ذمہ داریاں ترک کرنے کے باوجود بادشاہ بننے والوں میں چھٹے نمبر پر ہیں، نے داخلہ آفس کے خلاف قانونی چارہ جوئی کی دھمکی دی ہے۔

انہوں نے کہا کہ وہ اپنے بیٹے آرچی اور بیٹی لِلی بیٹ کو اپنے آبائی سرزمین لے جانا چاہتے ہیں لیکن ایسا کر نہیں سکتے۔

میگھن اور آرچی 2019 میں شاہی زندگی کو ترک کرنے کے بعد سے برطانیہ واپس نہیں گئے ہیں۔ جبکہ لِلی بیٹ نے ابھی تک اس سرزمین پر قدم نہیں رکھے ہیں جہاں ان کے والد پیدا ہوا۔

ڈیوک آف سسیکس کے وکلاء کا کہنا ہے کہ اگر ہیری یا ان کے خاندان کے برطانیہ دورے میں مستقل سیکیورٹی فراہم نہ کی گئی تو وہ عدالت ریویو میں جائیں گے۔

شہزادے کی قانونی ٹیم نے ایک بیان میں کہا کہ گزشتہ موسمِ گرما میں جب وہ اپنی والدہ پرنسز ڈیانا کے مجسمے کی رُونمائی کرنے کینسنگٹن پیلس گئے تو ان کی سیکیورٹی پر سمجھوتہ کیا گیا تھا۔

بیان میں کہا گیا کہ ہیری اپنے خاندان کے ساتھ اپنے گھر واپس نہیں جا سکتے کیوں کہ انہیں انتہاء پسندوں کی جانب سے دھمکیوں کا سامنا ہے۔

وکلاء نے کہا کہ میگھن اور بچوں کو پولیس کی حفاظت کے بغیر لے کر جانا بڑا ذاتی خطرہ مول لینا ہوگا۔

شہزادہ ہیری گزشتہ دو سالوں میں دو بار برطانیہ جا چکے ہیں۔ ایک بار مجسمے کی رُونمائی کے سلسلے میں اور دوسری بار اپنے دادا شہزادہ فلپ کی تدفین کے لیے۔ لیکن دونوں بار میگھن اور بچے امریکا میں ہی رکے تھے۔