یروشلم: اسرائیلی فوجی ہیلی کاپٹر دوران تربیتی پرواز گر کر تباہ ہوگیا ہے جس کے نتیجے میں 2 پائلٹ ہلاک ہوگئے ہیں۔
غیر ملکی خبر ایجنسی کے مطابق اسرائیلی فوج کا کہنا ہے کہ بحریہ کا ہیلی کاپٹر دوران تربیتی پرواز گر کر تباہ ہوا جس کے نتیجے میں دو پائلٹ ہلاک ہوگئے ہیں جبکہ کریو ممبر سمیت ایک فضائی مبصر معمولی زخمی ہوئے ہیں۔
یہ بھی پڑھیں: اسرائیل کا امریکا کے ساتھ 3.1 ارب ڈالرز کے جنگی طیاروں کا معاہدہ
اسرئیلی فوج کے مطابق ہیلی کاپٹر بحیرہ روم کے ساحل پر تربیتی پرواز کررہا تھا جو اسرائیل کے شمالی شہر حیفہ کے قریب گر کر تباہ ہوا ہے جبکہ اس حادثے میں زخمی اور ہلاک ہونے والوں کو اسپتال منتقل کردیا گیا ہے۔
Advertisement
اسرائیلی فوج کے مطابق اس حادثے کی تحقیقات کی جارہی ہیں جبکہ اسرائیلی فوج کے سربراہ نے تمام تربیتی پروازوں کو فوری طور پر معطل کرنے کا حکم دیا ہے۔
یہ بھی پڑھیں: پیرو میں فضائیہ کا ہیلی کاپٹر گر کر تباہ، 5 اہلکار ہلاک
واضح رہے کہ گزشتہ دنوں اسرائیل نے امریکا کے ساتھ 3 اعشاریہ 1 ارب ڈالرز کا اسلحہ خریدنے کا معاہدہ کیا تھا جس کے تحت اسرائیل امریکا سے 12 لاک ہیڈ مارٹن کور (سی ایچ 53 کے) ہیلی کاپٹر اور دو بوئنگ کے سی 46 کے ری فیولنگ طیارے خریدے گا۔
Advertisement
وزارت دفاع کے بیان کے مطابق یہ معاہدے اسرائیل کی ایئر فورس کی صلاحیتوں میں جدت کے تحت کیا گیا ہے جس میں چھ اضافی ہیلی کاپٹر خریدنے کا آپشن بھی شامل ہے جبکہ ابتدائی ہیلی کاپٹر 2026 تک اسرائیل پہنچے گے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
