امریکا میں منسوخ پروازوں کی تعداد ایک نئی بلند سطح تک پہنچ گئی۔

کرسمس سیزن میں کووڈ اور خراب موسم کے سبب امریکا میں منسوخ ہونے والی پروازوں کی تعداد ڈھائی ہزار سے تجاوز کر گئی۔

ایئر ٹریفک سائٹ فلائٹ اویئر کے مطبق دنیا بھر میں تقریباً 4400 پروازیں منسوخ ہوئیں جن میں سے ڈھائی ہزار سے زائد امریکا میں ہوئیں۔

ایئر لائنز کو عملے کے مسائل کا سامنا ہے کیوں کہ کورونا ہونے کے بعد عملے قرنطینہ میں ہے۔

مسافروں کی دشواریوں میں اضافہ کرنے کے لیے وسطی امریکا میں شدید برفباری نے بھی کردار ادا کیا۔

امریکا میں منسوخ ہونے والی پروازوں میں ہزار سے زائد شیکاگو کے او ہارے اور مِڈوے ایئر پورٹس سے ہوئیں۔

یونائیٹڈ ایئر لائنز نے ایک بیان میں کہا کہ آج کی منسوخیاں عملے میں اومیکرون اورموسم سے متعلقہ مسائل کے سبب ہوئیں۔

اتوار کے روز، کئی افراد جو کرسمس کی چھٹیوں کے بعد گھروں کو واپس لوٹ رہے ہیں انہیں مزید مسائل کا سامنہ ہے کیوں کہ محکمہ موسمیات کی جانب سے مزید برفباری اور تیز ہواؤں کی پیش گوئی ہے۔

شیکاگو کہ او ہارے ایئر پورٹ پر پھنسے ایک مسافر کا کہنا تھا کہ یہ بہت طویل وقت ہے اور یہاں وقت گزارنے اور کھانے کے لیے کوئی جگہ نہیں ہے۔

امریکا میں 24 دسمبر کے بعد سے 12 ہزار سے زائد پروازیں منسوخ ہو چکی ہیں۔