ایران پر یک طرفہ امریکی پابندیوں کی مخالفت کریں گے، چین کا اعلان

ویب ڈیسک

16th Jan, 2022. 12:45 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایران پر یک طرفہ امریکی پابندیوں کی مخالفت کریں گے، چین کا اعلان

چین نے ایک بار پھر اس عزم کا اعادہ کیا ہے کہ وہ امریکا کی طرف سے ایران پر لگائی جانے والی یک طرفہ پابندیوں کی مخالفت کا سلسلہ جاری رکھے گا۔

چین کے شہر جیانگ سو میں ہونے والی چین اور ایران وزرائے خارجہ ملاقات میں چین کی طرف سے وانگ ژی اور اُن کے ایرانی ہم منصب حسین امیر عبداللہیان شریک تھے۔

دونوں ممالک کے وزرائے خارجہ نے اِس موقع پر چین اور ایران کے درمیان 25 سالہ تعاون کے معاہدے کا اعلان بھی کیا۔

ملاقات کے بعد چینی وزیر خارجہ وانگ ژی نے کہا کہ چین کی حکومت ایران اور عالمی طاقتوں کے مابین 2015ء میں طے پانے والے عالمی جوہری معاہدے کی بحالی کی حمایت کرتی ہے۔

وانگ ژی نے مزید کہا کہ اس معاہدے کی بحالی میں درپیش مشکلات کا ذمہ دار امریکا ہی ہے۔

ایرانی میڈیا کے مطابق وزیر خارجہ حسین امیر عبداللہیان نے چینی صدر شی جن پنگ کے لیے ایرانی صدر ابراہیم رئیسی کا خصوصی پیغام بھی پہنچایا۔