سعودی عرب، غیر قانونی تارکین وطن کیخلاف مہم، 14 ہزار سے زائد گرفتار

ویب ڈیسک

02nd Jan, 2022. 12:47 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سعودی عرب، غیر قانونی تارکین وطن کیخلاف مہم، 14 ہزار سے زائد گرفتار

سعودی عرب میں غیر قانونی تارکین کے خلاف جاری مہم کے نتیجے میں گزشتہ ہفتے 14 ہزار 2 سو 27 افراد کو گرفتار کر لیا گیا۔

سعودی خبر ایجنسی کے مطابق اِن افراد کو 12 دسمبر سے 29 دسمبر 2021 کے درمیان گرفتار کیا گیا ہے۔

غیر قانونی تارکین سے پاک وطن مہم کے تحت کام کرنے والی مشترکہ کمیٹی نے کہا ہے کہ گرفتار افراد میں سے 7 ہزار 3 سو 1 افراد اقامہ قوانین کی خلاف ورزی کے مرتکب پائے گئے تھے۔

اسی طرح 5 ہزار 3 سو گرفتار شدگان سرحدی قوانین کے جبکہ 1 ہزار 6 سو 26 افراد لیبر قوانین کی خلاف ورزی میں ملوث تھے۔

کمیٹی نے کہا ہے کہ مذکورہ عرصے کے دوران دیگر 120 افراد بھی گرفتار ہوئے ہیں جو سعودی عرب کی سرحدی قوانین کی خلاف ورزی کرتے ہوئے ملک میں داخل ہونے کی کوشش کر رہے تھے۔

اِن میں سے 51 فیصد یمنی، 45 فیصد ایتھوپین جبکہ 4 فیصد دیگر ممالک کے شہری ہیں۔

اسی طرح سعودی عرب کی سرحد عبور کرکے غیر قانونی طور پر بیرون ملک جانے کی کوشش کرتے ہوئے 24 افراد کو بھی گرفتار کیا گیا ہے۔

غیر قانونی تارکین وطن مہم کی کمیٹی کے مطابق غیر قانونی تارکین کے ساتھ تعاون کرنے پر 11 افراد گرفتار ہوئے ہیں۔