دبئی میں شمسی توانائی سے ڈھائی لاکھ گھروں کو بجلی کی فراہمی کا منصوبہ

ویب ڈیسک

25th Jan, 2022. 10:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دبئی میں شمسی توانائی سے ڈھائی لاکھ گھروں کو بجلی کی فراہمی کا منصوبہ

دبئی میں گرین انرجی کے ایک حالیہ منصوبے کے تحت شمسی توانائی کے ذریعے 2 لاکھ 50 ہزار گھروں کو بجلی فراہم کی جائے گی۔

عرب نیوز کے مطابق دبئی الیکٹریسٹی اور واٹر سپلائی اتھارٹی کی جانب سے یہ منصوبہ محمد بن راشد آل مکتوم سولر پارک سے 10 کلو میٹر کے فاصلے پر شروع کیا گیا ہے۔

عرب امارات کی نیوز ویب سائٹ نیشنل نیوز کے مطابق اس منصوبے کے ذریعے 900 میگا واٹ بجلی پیدا کی جائے گی۔

سولر سسٹم لگانے کے پانچویں مرحلے کا یہ پہلا منصوبہ ہے جس میں لگے ہوئے 25 لاکھ فوٹو وولٹائک سیلز کے ذریعے زیادہ سے زیادہ روشنی جمع کی جا سکے گی۔

شمسی توانائی کا یہ منصوبہ دبئی کلین انرجی اسٹریٹجی 2050ء سے بھی مطابقت رکھتا ہے۔

اس منصوبے پر کام کرنے والی کمپنی شعا انرجی کے سربراہ عمر الحسن کا کہنا ہے کہ اس منصوبے کی تکمیل سے کاربن ڈائی آکسائیڈ کی پیداوار میں 11 لاکھ ٹن سے زیادہ کمی آئے گی۔

اس منصوبے کو زیادہ سے زیادہ فائدہ مند بنانے میں امریکی کمپنی نیکسٹ ٹریکر سے بھی مدد لی گئی ہے۔

شمسی توانائی اور گرین انرجی کے سلسلے کا دوسرا منصوبہ دسمبر 2022ء میں شروع کیا جائے گا۔