روس پر حملہ ہوا تو ہم خاموش نہیں بیٹھیں گے، بیلا روسی صدر کی دھمکی

ویب ڈیسک

28th Jan, 2022. 07:48 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

روس پر حملہ ہوا تو ہم خاموش نہیں بیٹھیں گے، بیلا روسی صدر کی دھمکی

بیلا روس کی یوکرین میں فوجی کاروائی میں حصہ لینے کی تردید

بیلا روس کے صدر الیگزینڈر لوکاشینکو کا کہنا ہے کہ اگر روس پر براہِ راست حملہ کیا گیا تو ان کا ملک باہمی اتحادی معاہدوں کی پاسداری کرتے ہوئے روس کا ساتھ دے گا اور جنگ میں شامل ہو جائے گا۔

بیلا روسی پارلیمنٹ میں اپنی تقریر میں صدر الیگزینڈر لوکاشینکو نے خطے میں روس، امریکا اور نیٹو کے درمیان بڑھتی ہوئی فوجی کشیدگی کے بارے میں اپنے جائزے بھی پیش کیے۔

صدر الیگزینڈر لوکاشینکو کے مطابق یوکرائن پسِ پردہ سودے بازی کا موضوع ہے۔ یوکرائن کے عوام کو تنازعات کے شعلوں میں دھکیل دیا جاتا ہے اور وہ سب جانتے بوجھتے ہوئے جارحیت کے لیے تیار ہو جاتے ہیں۔

بیلا روس کے صدر الیگزینڈر لوکاشینکو نے اراکینِ پارلیمنٹ کو بتایا کہ خطے میں فوجی تصادم کا امکان صرف دو صورتوں میں ہو سکتا ہے کہ اگر بیلا روس پر براہ راست حملہ کیا جاتا ہے اور ہمارے خلاف جنگ چھیڑی جاتی ہے۔

صدر الیگزینڈر لوکاشینکو کے مطابق دوسری صورت حال یہ ہے کہ اگر بیلا روس کے اتحادی روس پر براہ راست حملہ کیا جاتا ہے تو پھر بیلا روس بھی اِس جنگ میں شامل ہو جائے گا کیونکہ ہمارے درمیان باہمی اتحادی معاہدے موجود ہیں۔

بیلا روسی صدر الیگزینڈر لوکاشینکو نے یہ دعویٰ بھی کیا کہ اُن کے ملک پر حملے کی صورت میں لاکھوں روسی فوجی بیلاروس کے دفاع میں شامل ہوں گے۔