پولینڈ میں کورونا سے ہلاکتوں نے دوسری جنگِ عظیم کا ریکارڈ توڑ ڈالا

ویب ڈیسک

22nd Jan, 2022. 07:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پولینڈ میں کورونا سے ہلاکتوں نے دوسری جنگِ عظیم کا ریکارڈ توڑ ڈالا

کورونا وائرس کے اومیکرون ویریئنٹ نے مشرقی یورپ کے ملک پولینڈ میں بھی اپنے خونی پنجے گاڑ رکھے ہیں۔

اطلاعات کے مطابق پولینڈ میں کورونا کی وبا سے مرنے والوں کی تعداد نے دوسری عالمی جنگ میں ہونے والی ہلاکتوں کو بھی پیچھے چھوڑ دیا ہے۔

پولینڈ کی وزارتِ صحت نے اعلان کیا ہے کہ گزشتہ روز ملک میں کورونا وائرس سے متاثرہ 248 افراد ہلاک ہوئے ہیں جس کے بعد کورونا وبا کے آغاز سے اب تک ایک لاکھ 3 ہزار سے زائد افراد ہلاک ہو چکے ہیں۔

کورونا وبا کے دوران سب سے زیادہ شرحِ اموات کے حامل یورپی یونین کے رکن پولینڈ کو جنگِ عظیم دوم کے بعد سب سے زیادہ جانی نقصان کا سامنا کرنا پڑا ہے۔

پولینڈ کی وزارتِ صحت نے یہ بھی بتایا ہے کہ ملک میں گزشتہ 24 گھنٹوں کے دوران ساڑھے 36 ہزار کورونا وائرس سے متاثرہ نئے کیسز رپورٹ ہوئے ہیں اور اومیکرون ویریئنٹ یومیہ کیسز کی تعداد میں ریکارڈ قائم کر رہا ہے۔

وزارتِ صحت پولینڈ کی جانب سے یہ خدشہ بھی ظاہر کیا گیا ہے کہ آئندہ ہفتے ملک میں یومیہ نئے کیسز کی تعداد 50 ہزار تک جا سکتی ہے۔