بلوم فیلڈ ایونیو کے قریب چرچ کے باہر میڈیکل ہیلی کاپٹر گر کر تباہ ہوگیا لیکن تمام مسافر معجزانہ طور پر بچ گئے ہیں۔

غیر ملکی خبر رساں ادارے کے مطابق میڈکل ہیلی کاپٹر ایک نومولود مریض بچے کو فلاڈیلفیا کے اسپتال لے جارہا تھا کہ منگل کی سہہ پہر حادثہ کا شکار ہوا اور ایک گنجان آباد رہائشی محلے میں چرچ کے سامنے گر کر تباہ ہوگیا۔

رپورٹ کے مطابق اس ہیلی کاپٹر میں سوار میڈیکل ٹیم سمیت نومولود بچہ محفوظ رہے جبکہ انہیں صرف معمولی چوٹیں آئی ہیں۔

Upper Darby- Helicopter Crash- Burmont Ave and Bloomfield Ave- Photo courtesy of Photographer pic.twitter.com/gjyCzSZkNX

Advertisement

— PhillyFireNews (@PhillyFireNews) January 11, 2022

حکام کا کہنا ہے کہ یہ ایک “معجزہ” ہے کہ حادثے کے شکار ہیلی کاپٹر میں موجود لوگوں کو معمولی چھوٹیں آئیں۔

اپر ڈربی کے پولیس سپرنٹنڈنٹ ٹموتھی برن ہارڈ کا جائے واقعہ پر پہنچ کر کہنا تھا کہ یہ ایک مکمل معجزہ ہے جو آپ میرے پیچھے دیکھ رہے ہیں ’کوئی درخت یا بجلی کی تاریں نہیں ہیں‘۔

رپورٹ کے مطابق میڈٰیوک جسے میڈیکل ہیلی کاپٹر کہا جاتا ہے کہ کی دم کو کاک پٹ کے نیچے پھٹا ہوا اور جڑا ہوا دیکھا جاسکتا ہے۔

رپورٹ کے مطابق اس حادثے کا شکار ہونے والے افراد اور نومولود بچہ فائر فائٹرز اور پولیس کے پہنچنے سے پہلے ہی ملبے سے بچ نکلنے میں کامیاب ہوگئے تھے۔

عینی شاہد کا کہنا تھا کہ اس نے ہیلی کاپٹر کے کریش ہونے کے بعد پائلٹ، عملے کا ایک رکن اور ایک نرس کے ساتھ 2 ماہ کی بچی کو باہر نکلتے ہوئے دیکھا تھا۔

عینی شاہد کے مطابق ہیلی کاپٹر سے پہلے ایک آدمی بچے کو لے کر باہر نکلا اور پھر اس نے دوسروں کو نکلنے میں مدد کی جبکہ میں نے ان مدد کے لیے اپنی وین سے کچھ کمبل لاکر انہیں دیے۔

عینی شاہد کے مطابق عملے کے ایک رکن نے بچے کو کمبل میں ڈالا اور بار بار کہہ رہا تھا کہ اس بچے کو فوری اسپتال لے جایا جائے۔

برمونٹ روڈ اور بلوم فیلڈ ایونیو پر واقع ڈریکسل ہل یونائیٹڈ میتھوڈسٹ چرچ اس حادثے میں مکمل طور پر محفوظ رہا جبکہ سڑک پر موجود دیگر متعدد مکانات بھی محفوظ رہے ہیں۔