بھارت میں انتہا پسند ہندوؤں نے تمام حدیں پار کرتے ہوئے مسلمانوں سے لین دین نہ کرنے کا فیصلہ کرلیا۔

بھارتی ریاست چھتیس گڑھ کے ضلع سرگجا  کے ایک گاؤں سے ایک ویڈیو وائرل ہوئی ہے جس میں ایک انتہا پسند شخص لاؤڈ اسپیکر پر وہاں موجود سینکڑوں لوگوں سے مسلمانوں کے خلاف انتہا پسندی پر مبنی حلف اٹھوارہا ہے۔

انتہا پسند شخص لوگوں سے عہد لے رہا ہے کہ آج سے ہم ہندو کسی  بھی مسلمان دکاندار سے کسی بھی قسم کے سامان کی لین دین نہیں کریں گے۔

This video is from Surguja in Chhattisgarh where some Hindutva people are taking oath.

Advertisement

We Hindus will not buy goods from any Muslim shopkeeper.

We Hindus will not sell or rent our land to any Muslim.

We hindu will not work with Muslims. Is Tarah se nafrat failayi ja rahi hai pic.twitter.com/rvekkMdnGD

— Rubina Afaque (@RubinaAfaqueIND) January 6, 2022

ویڈیو میں مزید سنا جاسکتا ہے کہ وہ انتہا پسند شخص لوگوں سے عہد لیتا ہے کہ کسی مسلمان کو اپنی زمین نہ کرائے پر دیں گے اور نہ خرید و فروخت کریں گے اور اگر کسی نے زمین کرائے پر دی ہوئی ہے تو وہ فوری طور پر خالی کروائیں گے۔

مزید پڑھیئے: بھارت کے سابق مسلمان وزیر خارجہ بھی ہندو انتہا پسندی نہ بچ سکے

عہد میں یہ بھی شامل ہے کہ ہندو خرید و فروخت کی غرض سے گاؤں میں آنے والے صرف ہندو لوگوں سے ہی سامان خریدیں گے، اگر وہ مسلمان ہوا تو اس سے خریدو فروخت نہیں کریں گے۔

انتہا پسند شخص لوگوں سے یہ بھی عہد لیتا ہے کہ آج سے ہم ہندو مسلمانوں  کے ہاں مزدوری کے لیے بھی نہیں جائیں گے۔

ویڈیو کے آخر میں مذہبی انتہا پسندی کے  نعرے بھی لگائے گئے۔

مزید پڑھیئے: بھارتی انتہا پسندی، معروف شاعر اکبر الہ آبادی کا نام تبدیل کردیا گیا

واضح رہے کہ بھارت میں بی جے پی کے دور حکومت میں اقلیتوں بالخصوص مسلمانوں کے خلاف انتہا پسندی  میں اضافہ ہوا ہے۔

بھارت میں آئے روز مسلمانوں پر ظلم و تشدد اور قتل و غارت گری کے واقعات پیش آنا  اب معمول بن چکے ہیں۔