امریکی دارالحکومت واشنگٹن میٹرو پولیٹن ایریا سمیت امریکا کی پچیس سے زیادہ ریاستوں میں شدید برفباری جاری ہے۔

خب ایجنسی کے مطابق امریکا میں شدید برفباری کا سلسلہ جاری ہے امریکی محکمہ موسمیات نے پشیگوئی کی ہے کہ پانچ سے بیس انچ تک برف پڑنے کا امکان ہے۔

برفباری کے باعث امریکا میں کاروبار زندگی معطل، ٹریفک کا نظام درھم برھم اور سینکڑوں پروازیں منسوخ کر دی گئی ہیں۔

حکام نے بتایا کہ شارلٹ ڈگلس انٹرنیشنل ایئرپورٹ امریکا کا چھٹا مصروف ترین ہوائی اڈہ ہے جس میں 500 سے زائد پروازیں منسوخ کردی گئی ہے اور مسافروں کو یہ کہا جارہا ہے کہ وہ اپنی فلائٹ اسٹیٹس چیک کرتے رہیں تاکہ انہیں کسی بھی قسم کی پریشانی کا سامنا نہ کرنا پڑے۔

علاوہ ازیں شھریوں کو گھروں میں رہنے کے لئے کہا جارہا ہے جبکہ تعلیمی ادارے دفاتر اور کاروبار مکمل طور پر بند کر دیے گئے ہیں۔

امریکہ حکام نے بتایا کہ ایمرجینسی ادارے کسی بھی ہنگامی صورت حال سے نمٹنے کے لئے تیار ہیں جبکہ مین سڑکوں اور شاہراہوں سے برف ہٹانے کا سلسلہ جاری ہے۔

محکمہ موسمیات کے مطابق آئندہ بارہ گھنٹے شدید موسم اور برف باری کا سلسلہ جاری رہنے کا امکان ہے اور متاثرہ علاقوں میں درجہ حرارت منفی 10سینٹی گریڈ تک گرسکتا ہے۔

دوسری جانب برف ہٹانے والے عملہ کو کافی شکایت موصول ہورہی ہے کہ متعدد گھروں میں بجلی نہیں ہیں۔