اومیکرون کا پھیلاؤ روکنے کے لیے چین کے مزید شہروں میں لاک ڈاؤن

ویب ڈیسک

11th Jan, 2022. 02:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اومیکرون کا پھیلاؤ روکنے کے لیے چین کے مزید شہروں میں لاک ڈاؤن

چین نے عالمگیر وبا کورونا کی تباہ کاریوں اور سامنے آنے والی نئی اقسام کے پیش نظر مختلف شہروں میں سخت لاک ڈاؤن نافذ کرتے ہوئے بیجنگ میں ہائی الرٹ کردیا ہے۔

اومیکرون کے پھیلاؤ کو روکنےکے لیے عائد نئی پابندیوں نے چین میں مزید لاکھوں افراد کو گھروں میں محصور کردیا ہے۔

غیر ملکی خبر رساں ایجنسی کے مطابق چین کے 50 لاکھ آبادی والے شہر انیانگ میں تیزی سے پھیلنے والے اومیکرون کی وجہ سے عوام کر گھروں میں بند رہنے کی ہدایات جاری کردی گئی ہیں۔

حکومت نے گزشتہ دسمبر کے اواخر میں ایک کروڑ 30 لاکھ آبادی والے شہرشیان میں بھی اومیکرون کے پھیلاؤ کو روکنے کے لیے سخت لاک ڈاؤن لگا دیا تھا۔

ماہرین صحت کے مطابق انیانگ میں سامنے آنے والے کیسز کا تعلق چین کے شمال میں واقع ساحلی شہر تیانجن میں پھیلنے والی وبا سے ہے۔ چینی حکام کے مطابق کورونا کے اس نئے ویریئنٹ کے تناظر میں بیجنگ میں ہائی الرٹ کردیا گیا ہے۔ جو فروری میں ہونے والے ونٹر اولمپکس کی میزبانی کرے گا۔

حکومت نے ٹارگیٹڈ لاک ڈاؤن، سرحدوں پر پابندیاں عائد کرنے اور طویل قرنطینہ پرمبنی’ زیرو کووڈ‘ حکمت عملی تیار کرلی ہے ۔