متحدہ عرب امارات میں کورونا کے 790 نئے کیس رپورٹ، ایک جاں بحق

ویب ڈیسک

19th Feb, 2022. 11:47 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

متحدہ عرب امارات میں کورونا کے 790 نئے کیس رپورٹ، ایک جاں بحق

متحدہ عرب امارات میں کورونا کے نئے کیس مسلسل کم ہو رہے ہیں تاہم پچھلے چوبیس گھنٹوں میں 790 نئے مریضوں کی تصدیق ہوئی ہے۔

وزارت صحت کے مطابق آج 19 فروری ہفتے کے دن گزشتہ 24 گھنٹوں کے دوران کورونا کے 3 لاکھ 88 ہزار 4 سو 95 ٹیسٹ کیے گئے۔

امارات کے سرکاری خبر رساں ادارے وام نے وزارت صحت کے حوالے سے بتایا ہے کہ نئے کیس رپورٹ ہونے کے بعد متاثرین کی کل تعداد 8 لاکھ 73 ہزار 8 سو 82 تک پہنچ گئی ہے۔

بیان میں کہا گیا ہے کہ گزشتہ 24 گھنٹوں کے دوران 2 ہزار 64 افراد صحت یاب ہوئے ہیں جس کے بعد صحت یاب ہونے والوں کی تعداد بڑھ کر 8 لاکھ 15 ہزار 9 سو 90 ہوگئی ہے۔

علاوہ ازیں زیرعلاج کورونا مریضوں میں سے مزید ایک مریض انتقال کر گیا جس کے بعد مرنے والوں کی کل تعداد 2 ہزار 2 سو 93 ہوگئی ہے۔

علاوہ ازیں اماراتی وزارت صحت نے بیان میں کہا ہے کہ گزشتہ 24 گھنٹوں کے دوران کورونا ویکسین کی مزید 21 ہزار 6 سو 96 خوراکیں دی گئی ہیں جبکہ اب تک 2 کروڑ 39 لاکھ 99 ہزار ایک سو 38 خوراکیں دی جا چکی ہیں۔