روس میں سیکیورٹی گارڈ نے اپنی بوریت کو دور کرنے کے لیے کروڑوں روپے کی پینٹنگ کو خراب کردیا۔

غیر ملکی خبر رساں ادارے کے مطابق روس میں سیکیورٹی گارڈ نے اپنی بوریت کو دور کرنے کے لیے انوکھا انداز اپنایا جو کہ مہنگا پڑگیا۔

رپورٹ کے مطابق پرائیوٹ سیکیورٹی فرم کے سیکیورٹی گارڈ نے 40 ہزار پاؤنڈ مالیت کی ایک پینٹنگ محض اپنی بوریت کو دور کرنے کے لیے خراب کردی۔

ہواں کچھ یوں کہ سیکیورٹی گارڈ نے بوریت سے تنگ آکر اپنے بال پوائنٹ سے پینٹنگ پر آنکھیں بنادی جس سے پینٹنگ کی شکل ہی بگڑ گئی۔

رپورٹ کے مطابق سیکیورٹی گارڈ کا نوکری پر پہلا دن تھا جس کی وجہ سے وہ شدید بوریت کا شکار تھا۔

رپورٹ میں کہا گیا ہے کہ خراب ہونے والی پینٹنگ کا عنوان 1934-1932 تھری فیگرز تھا جسے ایک آرٹسٹ آنا نے بنایا تھا جبکہ اس پینٹنگ کو ابسٹریکٹ آرٹ میں نمائش کے لیے پیش کیا گیا تھا۔

یہ نمائش بیلٹسن سینٹر میں منعقد کی گئی تھی جبکہ اس پینٹنگ کو ماسکو کی اسٹیٹ گیلری سے ادھار کے طور پر لیا گیا تھا۔

بیلٹسن سینٹر کی جانب سے جاری کردی بیان میں کہا گیا ہے کہ سیکیورٹی گارڈ کو نوکری سے نکال دیا گیا ہے تاہم اس سیکیورٹی گارڈ کی شناخت ظاہر نہیں کی گئی ہے۔

دوسری جانب اس پینٹنگ کے آرٹ کو بحال کرنے کے لیے واپس ماسکو کی اسٹیٹ گیلری بھجوادیا گیا ہے جبکہ آرٹ بحال کرنے والوں کے مطابق نقصان کو بغیر کسی طویل مدت کے بغیر ختم کیا جاسکتا ہے۔