امریکی آبدوز کی جانب سے روسی سمندری حدود کی خلاف ورزی

ویب ڈیسک

13th Feb, 2022. 12:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امریکی آبدوز کی جانب سے روسی سمندری حدود کی خلاف ورزی

ماسکو: روس کا کہنا ہے کہ امریکی آبدوز نے روسی سمندری حدود کی خلاف ورزی کی ہے۔

غیر ملکی خبر رساں ادارے کے مطابق روس کا کہنا ہے کہ پیسیفک جزائر کےنزدیک امریکی آبدوز کی جانب سے روسی سمندری حدود کی خلاف ورزی کی گئی ہے۔

یہ بھی پڑھیں: یوکرائن بحران، جرمنی میں ہونے والے روس یوکرائن مذاکرات بے نتیجہ ختم

رپورٹ کے مطابق امریکی آبدوز کی جانب سے کی جانے والی خلاف ورزی پر روسی وزارت دفاع نے امریکی فوجی اتاشی کو طلب کرلیا ہے۔

روسی فوج کا کہنا ہے کہ امریکی آبدوز نے روسی حدود سے نکل جانے کی درخواست نظرانداز کی جس کے بعد روسی فوج نے متعلقہ اقدامات کیے تو امریکی آبدوز روسی حدود سے باہر چلی گئی۔

روسی فوج کے مطابق امریکی آبدوز نے خلاف ورزی اس وقت کی جب روسی فوج بحری مشقوں میں مصروف تھیں۔

یہ بھی پڑھیں: یوکرائن تنازع، پوپ فرانسس نے ممکنہ جنگ کو ’پاگل پن‘ کا مظہر قرار دے دیا

واضح رہے کہ یوکرائن تنازع کو لے کر امریکہ اور روس کے درمیان کشیدگی برقرار ہے جبکہ روس نے اپنی 1 لاکھ کے قریب فوج کو یوکرائن سرحد کے قریب جمع کررکھا ہے۔

روس یوکرائن پر کسی بھی طرح کے حملے سے انکاری ہے جبکہ امریکہ نے یوکرائن سے اپنے شہریوں کو ملک چھوڑنے کی ہدایت کردی ہے۔

یہ بھی پڑھیں: یوکرائن تنازع: سلامتی کونسل کے اجلاس میں روسی اور امریکی سفیروں کے درمیان جھڑپیں

امریکہ کے بعد متعدد دیگر ممالک نے بھی اپنے شہریوں کو یوکراین چھوڑنے کی ہدایت کررکھی ہے، ان ممالک میں برطانیہ، جرمنی، کینیڈا، نیدرلینڈز، لیٹویا، جاپان اور جنوبی کوریا شامل ہیں۔