کیف: روس کی جانب سے یوکرین کے دارالحکومت کے قریب حملوں کے بعد شہریوں کا انخلا شروع ہوگیا ہے۔

غیر ملکی خبر رساں ادارے کے مطابق روسی صدر ولادیمیر پیوٹن نے یوکرین پر فوجی آپریشن کا اعلان کیا جس کے چند منٹ بعد ہی روس کی جانب سے یوکرین پر پہلی گولہ باری اورمیزائل حملے داغے گئے۔

رپورٹ کے مطابق اس تمام صورتحال کے بعد یوکرین کے دارالحکومت کیف میں ایک ہنگامی سائرن بجا دیا گیا ہے جس کے بعد ایسی تصاویر بھی سامنے آ رہی ہیں جس میں ایکسپریس وے پر گاڑیوں کی قطاریں لگی ہوئی ہیں اور لوگ خود ساختہ طور پر شہر چھوڑ کر جا رہے ہیں۔

سوشل میڈیا پر جاری تصاویر و ویڈیوز میں دیکھا گیا ہے کہ کیف کے لوگوں میں خوف و ہراس بڑھتا جارہا ہے جبکہ کچھ لوگوں کا کہنا ہے کہ انہیں محفوظ پناہ گاہوں اور تہہ خانوں میں منتقل کیا جارہا ہے۔

رپورٹ کے مطابق ٹیلی ویژن فوٹیجز میں دیکھا گیا ہے کہ داراحکومت میں عوام نے گلیوں میں جمع ہوکر عبادتیں بھی شروع کردی ہیں۔

یہ بھی پڑھیں: روس کا یوکرائن میں فوجی آپریشن کا اعلان، اپنا دفاع کرینگے، یوکرائنی صدر

ایک صحافی کا ٹوئٹر پر جاری بیان میں کہنا ہے کہ اس وقت دارالحکومت کیف کی صورتحال یہ ہے کہ لوگ سڑکوں پر کم اورکیش مشینوں کے سامنے قطارمیں زیادہ کھڑے ہیں۔

Advertisement

Saint Sophia cathedral in Kyiv, symbol of Ukrainian nationhood. Still standing 8am local time, a few people on streets, queues for cash machines, one cafe amazingly open, mood of fear, shock & quiet defiance pic.twitter.com/izikRLNHrf

— Luke Harding (@lukeharding1968) February 24, 2022

دوسری جانب یوکرین کے صدر ولادیمیر زیلینسکی نے ملک میں مارشل لا نافذ کرنے اعلان کردیا ہے۔ یوکرینی صدر کا کہنا تھا کہ روس نے ہماری سرحدی چوکیوں اورفوجی تنصبات پر حملے شروع کردیے ہیں۔