اقوام متحدہ کے سیکریٹری جنرل  انتونیو گوتریس کا کہنا ہے کہ شہریوں کا تحفظ اولین ترجیح ہونی چاہیے۔

سماجی رابطے کی ویب سائٹ ٹوئیٹر پر جاری بیان میں سیکریٹری جنرل  انتونیو گوتریس کا کہنا تھا کہ    ہلاکتوں کی تعداد میں اضافے کے ساتھ ہم یوکرین کے کونے کونے میں خوف، غم اور دہشت دیکھ رہے ہیں۔

انہوں نے کہا کہ بین الاقوامی انسانی حقوق اور انسانی حقوق کے قوانین کو برقرار رکھا جانا چاہیے۔

With the death toll rising, we are seeing images of fear, anguish and terror in every corner of Ukraine.

Advertisement

The protection of civilians must be priority number one.

International humanitarian and human rights law must be upheld.

— António Guterres (@antonioguterres) February 25, 2022

واضح رہے کہ  روس  کے یوکرین پر حملوں کے سلسلے میں اب تک 137 ہلاکتوں کی تصدیق ہوچکی ہے۔

ترک میڈیا کے مطابق روسی فوجیوں کی کیئو کی جانب پیش قدمی جاری ہے جبکہ امریکہ نے اتوار تک کیئو پر روسی قبضے کا امکان ظاہر کردیا ہے۔

یہ بھی پڑھیں: امریکا کا اپنی افواج یوکرین میں نہ اتارنے کا اعلان

دوسری جانب یوکرین کی اسٹیٹ بارڈر گارڈ سروس کا کہنا ہے کہ 18 سے 60 سال  کی عمر کے مردوں پر ملک سے باہر جانے پر پابندی عائد کردی گئی ہے۔

امریکی وزیر خارجہ انتھونی بلنکن نے خدشہ ظاہر کیا ہے کہ  روسی صدر ولادیمیر پیوٹن یوکرین کی حکومت کا تختہ الٹنے کی کوشش کریں گے۔

انہوں نے اپنے نیٹو اتحادیوں کے دفاع کے عزم کا اعادہ کرتے ہوئے خبردار کیا ہے کہ نیٹو کے ایک رکن پر حملہ نیٹو کے تمام اراکین پر حملہ ہے۔