یوکرائن جنگ، اقوام متحدہ کی جنرل اسمبلی کا خصوصی ہنگامی اجلاس آج ہوگا

ویب ڈیسک

28th Feb, 2022. 12:59 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

یوکرائن جنگ، اقوام متحدہ کی جنرل اسمبلی کا خصوصی ہنگامی اجلاس آج ہوگا

یوکرائن کے خلاف جاری روسی جارحیت اور روس کے خلاف مزید اقدامات پر بحث کے لیے اقوام متحدہ کی جنرل اسمبلی کا خصوصی اجلاس آج منعقد کیا جا رہا ہے۔

آج ہونے والے اجلاس میں اقوام متحدہ کے 193 رکن ممالک یوکرائن کے خلاف روسی حملے پر اپنی رائے اور تجاویز دیں گے۔

اقوام متحدہ کی سلامتی کونسل نے گزشتہ روز یوکرائن جنگ پر بات چیت کرنے کے لیے غیر معمولی اقدام کے طور پر جنرل اسمبلی کا خصوصی ہنگامی اجلاس طلب کرنے کے حوالے سے رائے شماری کی تھی۔

روس نے اس اجلاس کو بلائے جانے کے اقدام کی مخالفت کی تھی لیکن اقوام متحدہ کی ایک خاص قرارداد کے تحت اُسے ویٹو کرنے کا اختیار حاصل نہیں تھا۔

اقوام متحدہ کی قرارداد ’’یونائٹنگ فار پیس‘‘ یعنی امن کے لیے اکٹھا ہونے کے مطابق سلامتی کونسل کے رکن ممالک کو یہ اختیار حاصل ہے کہ اگر اس کے پانچ مستقل ارکان یعنی روس، امریکا، برطانیہ، فرانس اور چین کسی جنگ زدہ خطے میں امن کے قیام پر متفق نہ ہو سکیں تو وہ اقوام متحدہ کی جنرل اسمبلی کا خصوصی اجلاس بلا سکتے ہیں۔