ایل این جی اور قدرتی گیس کی رسد بلا تعطل جاری رکھنے کا ارادہ ہے، پیوٹن

ویب ڈیسک

22nd Feb, 2022. 08:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایل این جی اور قدرتی گیس کی رسد بلا تعطل جاری رکھنے کا ارادہ ہے، پیوٹن

روسی صدر ولادیمیر پیوٹن نے کہا ہے کہ ہم گلوبل منڈیوں کے لیے ایل این جی سمیت قدرتی گیس کی رسد کو بلا تعطل جاری رکھنے کا ارادہ رکھتے ہیں۔

غیر ملکی خبررساں ادارے کے مطابق اپنے خطاب میں روسی صدر نے کہا کہ روس عالمی منڈیوں کو قدرتی گیس کی بلاتعطل فراہمی جاری رکھے گا۔

روسی صدر کا یہ بیان ایسے وقت میں آیا ہے جب جرمنی نے مشرقی یوکرین کے دو الگ الگ علاقوں میں روسی فوجیوں کی تعیناتی پر ایک اہم گیس پائپ لائن کے سرٹیفیکٹ کا اجراء روک دیا ہے۔

ولادیمیر پیوٹن نے کہا کہ توانائی کے شعبے میں جدت کے عمل کا متوازن شکل میں آگے بڑھنا ضروری ہے۔

یہ بھی پڑھیں: یوکرائن بحران شدید تر، حالیہ روسی اقدامات پر عالمی ردعمل کا سلسلہ شروع

انہوں نے مزید کہا کہ روس کا مقصد عالمی منڈیوں کو قدرتی گیس کی بلاتعطل سپلائی جاری رکھنا، متعلقہ انفراسٹرکچر کو بہتر بنانا اور گیس کے شعبے میں سرمایہ کاری میں اضافہ کرنا ہے۔

واضح رہے کہ یورپ اپنی گیس کی ضروریات کا تقریباً 40 فیصد روس سے حاصل کرتا ہے اور وہ ایک نئی تعمیر کردہ زیر سمندر گیس پائپ لائن کی منظوری کا جائزہ لے رہا ہے جو روس کو جرمنی سے ملاتی ہے۔