افغان طالبان کے کڑے امتحان کے بعد آخرکار امریکا نے بین الاقوامی بینکوں کو امدادی رقوم افغانستان منتقل کرنے کی اجازت دے دی۔

امریکا نے کہا ہے کہ بین الاقوامی بینک افغانستان میں انسانی امداد کے لیے رقوم کی منتقلی کر سکیں گے۔

Today, OFAC issued 7 new Frequently Asked Questions to provide clarity and further facilitate humanitarian aid and commercial activity in Afghanistan.

Read more:https://t.co/wDin1lMJhu

Advertisement

— Treasury Department (@USTreasury) February 2, 2022

امریکی وزارت خزانہ نے جاری کردہ بیان میں افغانستان کی طالبان انتظامیہ کے خلاف پابندیوں اور ملک کے لیے امداد میں آسانی کے لیے منظور کردہ مراعات کی وضاحت کی ہے۔

بیان میں کہا گیا ہے کہ بین الاقوامی بینک انسانی امداد کے مقصد سے اور طالبان پر عائد پابندیوں کی خلاف ورزی کیے بغیر رقوم کی منتقلی کر سکیں گے۔

امریکا اور بیرونی ممالک کی کمپنیاں افغانستان کو خوراک بھیج سکیں گی اور بینک خوراک کی امداد سے متعلقہ رقوم کی منتقلی اور دیگر اُمور سرانجام دے سکیں گے۔

واضح رہے کہ اقوام متحدہ کے مطابق افغانستان میں نصف سے زائد آبادی بھوک اور غذائی کمی کا شکار ہے اور اُسے انسانی امداد کی شدید ضرورت ہے۔

اقوام متحدہ کے سیکرٹری جنرل انتونیو گوتیریس نے بھی امریکا سے افغانستان کے مالی اثاثوں کو آزاد کرنے کی اپیل کرتے ہوئے کہا تھا کہ افغان عوام کو قحط کی صورت حال کا سامنا ہے جبکہ افغان معیشت کو دیوالیہ ہونے کا خطرہ لاحق ہے۔