بھارت میں  باحجاب طالبات کو ہراساں کیے جانے پر اسکول اور کالجز تین روز  کے لیے بند کرد یے گئے۔

بھارتی میڈیا کے مطابق بھارتی ریاست  کرناٹکہ  میں باحجاب طالبات کےساتھ ہراسانی اور امتیازی سلوک کے واقعات کے بعد ہائی کورٹ  کی جانب سے امن کی اپیل  پر   وزیر اعلیٰ نے تمام ہائی اسکول اور کالجز اگلے تین دن کے لیے بند کرنے کا حکم دے دیا۔

کرناٹکہ میں زیادہ سے زیادہ کالجز میں حجاب کے تنازعہ کے درمیان وزیر اعلیٰ بسواراج بومائی نے منگل کو ریاست میں اگلے تین دنوں کے لیے تمام ہائی اسکول اور کالجز بند رکھنے کا حکم دیا ہے۔

مزید پڑھیے: بھارت میں مسلمان پولیس کیڈٹ پرحجاب کرنے پر پابندی عائد

 حجاب  کے تنازعہ پرہائی کورٹ کا کہنا ہے کہ ہم جذبات سے نہیں آئین کے مطابق چلیں گے۔

منگل کو مہاتما گاندھی میموریل کالج کے باہر مسلم طالبات نے حجاب پہننے کے خلاف احتجاجی مظاہرہ کیا تھا۔

یاد رہے کہ  حجاب پرپابندی  کے خلاف ایک طالبہ نے عدالت میں درخواست  دائرکررکھی تھی۔

واضح رہے کہ بھارت میں باحجاب طالبات کے ساتھ ہراسانی اور امتیازی سلوک کا سلسلہ جاری ہے۔

بھارتی ریاست کرناٹکہ میں آج صبح ایک باحجاب طالبہ کو انتہا پسند ہندوؤں کے جتھے کی جانب سے ہراساں کیے جانےکی ویڈیو سوشل میڈیا پر وائرل ہورہی ہے۔

مزید پڑھیے: بھارت میں مسلمان طالبہ نے حجاب پرپابندی کیخلاف عدالت سے رجوع کرلیا

ویڈیو میں دیکھا جاسکتا ہے کہ ایک طالبہ جیسے ہی  پی ای ایس کالج پہنچتی ہے تو وہاں موجود انتہا پسند ہندو اس کے قریب آکر اسے ہراساں کرتے ہیں۔

طالبہ بلا خوف و خطر ’اللہ اکبر‘ کا نعرہ بلند کرکے اپنے راستے پر چلتی رہتی ہے۔وہاں موجود کچھ صحافی اس طالبہ کو انتہا پسندوں سے بچاکر اسے فوری طور پر کالج کے اندر جانے کا کہتے ہیں۔

A lone Muslim girl on the way to her college in Karnataka, India is being heckled and harassed by a Hindu right-wing mob for wearing a hijab! pic.twitter.com/DiVjCbqpdW

— Ashok Swain (@ashoswai) February 8, 2022

کرناٹکہ میں باحجاب طالبات کے ساتھ ہونے والا ہراسانی کا یہ پہلا واقعہ نہیں ہے۔ مودی سرکار کی سرپرستی میں ہندوانتہا پسند حجاب  کے خلاف باقاعدہ مہم چلا رہے ہیں۔

اس سے قبل دو کالجز میں باحجاب  طالبات کو کالج میں داخلے سے روکا جاچکا ہے۔