یوکرین میں موجود سعودی شہریوں کو سفارت خانے سے رابطہ کرنے کی ہدایت

ویب ڈیسک

12th Feb, 2022. 08:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

یوکرین میں موجود سعودی شہریوں کو سفارت خانے سے رابطہ کرنے کی ہدایت

یوکرین کے کشیدہ حالات کے پیش نظر سعودی عرب بھی اپنے شہریوں کے لیے فکر مند ہوگیا۔

غیر ملکی خبر رساں ادارے کے مطابق سعودی سفارت خانے نے یوکرین میں موجود سعودی شہریوں کو فوری طورپرسفارت خانے سے رابطہ کرنے کی ہدایت کی ہے۔

سعودی سفارت خانے کا کہنا ہے سعودی شہریوں کی یوکرین سے نکلنے میں مدد کی جائے گی۔

اس سے قبل برطانیہ نے بھی اپنے شہریوں کو فوری طور پر یوکرین چھوڑنے کی ہدایت کی تھی۔

مزید پڑھیے: روس اگلے 48 گھنٹوں میں یوکرین پر حملہ کر سکتا ہے

برطانوی وزارت خارجہ نے یوکرین میں موجود برطانوی شہریوں سے کہا تھا کہ وہ فوری طور پر وہاں سے نکل جائیں ۔

برطانوی وزارت خارجہ کی جانب سے یوکرین میں موجود شہریوں کو خبردار کیا گیا تھا کہ روسی افواج کے یوکرین کی سرحد پر جمع ہونے سے فوجی کارروائی کا خطرہ بڑھ گیا ہے۔

واضح رہے کہ امریکی صدر جو بائیڈن پہلے ہی یوکرین پر روسی حملے کے خطرے کے پیش نظر اپنے شہریوں کو یوکرین سے نکل جانے کا کہہ چکے ہیں۔

دوسری جانب روس یوکرین کی سرحد پر ایک لاکھ فوج جمع کرنے کے باوجود حملہ کرنے کے منصوبے کی بار بار تردید کر رہا ہے۔