یوکرین نے روس کے جنگی بحری جہاز کو تباہ کرنے کا دعوی کیا ہے۔

غیر ملکی خبر رساں ادارے کے مطابق یوکرین کی وزارت دفاع نے بیان میں کہا ہے کہ روس کے زیرقبضہ شہر برجیزکی بندرگاہ پرروسی جنگی جہاز کوتباہ کردیا گیا ہے جبکہ دیگر 2 جہازوں کونقصان پہنچا ہے۔

یوکرینی فوج کے جہاز کو نشانہ بنانے کے بعد جہاز میں آگ لگ گئی جبکہ یوکرین کی ڈپٹی وزیردفاع کے مطابق انہوں نے روس کے بڑے ہدف کونشانہ بنایا ہے۔

وزارت دفاع کے مطابق جس روسی جہاز کونشانہ بنایا گیا اس میں 20 ٹینکس، 45 بکتربند گاڑیاں  اور 400 فوجیوں کی گنجائش تھی۔

یوکرین کی فوج کی جانب سے فوٹیجز بھی جاری کی گئی ہیں جبکہ جہاز میں آگ لگنے کی وجوہات تاحال معلوم نہیں ہوسکی ہیں۔

Celebration of one month since the beginning of the russian invasion took place in Hell. 15,800 russian soldiers marched in parade. The highlight of the column of military machinery was russian large landing ship "Orsk".#UAarmy #StopRussia pic.twitter.com/bat9oprpq1

— Defence of Ukraine (@DefenceU) March 24, 2022

   واضح رہے کہ گذشتہ روز یوکرین کے صدر ولادیمیر زیلنسکی نے روس پر الزام عائد کیا تھا کہ آج صبح روس نے یوکرین پر فاسفورس بموں سے حملہ کیا تھا۔

یوکرینی صدرکا کہنا تھا کہ روس ہر وہ اقدام کر رہا ہے جو عالمی سطح پر پابندی کے زمرے میں آتا ہے، جبکہ ہمیں بے یار و مددگار چھوڑ دیا گیا ہے۔

زیلنسکی نے کہا تھا کہ ہماری فوج بڑی بہادری کے ساتھ روسی جارحیت کا سامنا کر رہی ہے اور یوکرینی عوام نے بھی روسی حملے کو قبول نہیں کیا اور وہ سیسہ پلائی دیوار کی طرح روسی ٹینکوں کے آگے کھڑے ہیں۔