روسی صدر پیوٹن یوکرینی ہم منصب سے ملنے کے لیے راضیبول نیوز

روسی صدر پیوٹن یوکرینی ہم منصب سے ملنے کے لیے راضی

ویب ڈیسک

20th Mar, 2022. 07:59 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

روسی صدر پیوٹن یوکرینی ہم منصب سے ملنے کے لیے راضی

روسی صدر ولادی میر پیوٹن یوکرین میں جاری تنازع کے حل کے پیشِ نظر یوکرینی صدر وولوڈِمیر زیلنسکی سے ملنے کے لیے بالآخر تیار ہوگئے۔

دونوں رہنماؤں کی جانب سے ان کی سفارتی ٹیمیوں نے 24 فروری کو تنازع شروع ہونے کے تھوڑا عرصہ بعد ہی امن مذاکرات شروع کر دیے تھے۔

برطانوی نشریاتی ادارے بی بی سی کی نمائندہ لیزا ڈوسیٹ کا کہنا تھا کہ روسی صدر کا اب ماننا ہے کہ ان کے اعلیٰ سفارت کار کمزور پڑے ہیں اور ان کو کسی موقع پر بذاتِ خود مذاکرات میں شرکت کرنی ہوگی۔

ڈوسیٹ کا مزید کہنا تھا کہ سفارت کار بات کر رہے ہیں، مذاکرات کرنے والے بات کر رہے ہیں۔ دونوں فریقین پیشرفت کر رہے ہیں۔ صدر پیوٹن بالآخر اس بات پر راضی ہوگئے ہیں کہ یوکرینی صدر زیلنسکی سے ملیں۔ زیلنسکی جنوری سے ایک ملاقات کی درخواست کر رہے تھے۔

بی بی سی نمائندہ نے مزید کہا کہ روسی صدر نے یہ بات عوامی سطح پر نہیں کی، عوامی سطح پر انہوں اس کے بالکل برعکس بات کی۔

انہوں نے کہا کہ کئی ثالث بے تاب ہیں۔ ہر کوئی جنگ بندی کا سہرا اپنے سر بندھانا چاہتا ہے۔