روس کا اہداف کے حصول تک حملے جاری رکھنے کا اعلان، لاکھوں یوکرائنی فرار

ویب ڈیسک

01st Mar, 2022. 05:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

روس کا اہداف کے حصول تک حملے جاری رکھنے کا اعلان، لاکھوں یوکرائنی فرار

روس نے کہا ہے کہ تمام اہداف کے حصول تک یوکرائن پر حملہ جاری رہے گا۔

روسی وزیر دفاع سرگئی شوئیگو کے مطابق روس یوکرائن میں اُس وقت تک کارروائی جاری رکھے گا جب تک اس کے اہداف حاصل نہیں ہو جاتے۔

ٹی وی پر ایک پریس کانفرنس کے دوران انہوں نے کہا کہ یوکرائن کو غیر عسکری بنایا اور نازیوں سے پاک کیا جائے گا۔ شائیگو کے مطابق ان کا مقصد روس کو مغربی ممالک کی طرف سے پیدا کردہ فوجی خطرے سے بچانا ہے۔

ایسی اطلاعات بھی ہیں کہ روسی افواج کا قافلہ دارالحکومت کیف کے مزید قریب پہنچ گیا ہے۔

دوسری جانب یوکرائن پر روسی حملے کے بعد سے تقریبا ساڑھے چھ لاکھ افراد ملک سے فرار ہو چکے ہیں۔ صرف پولینڈ پہنچنے والے یوکرائنی شہریوں کی تعداد تین لاکھ سے زائد ہے۔

گزشتہ روز روسی فورسز نے اعلان کیا تھا کہ جو کوئی بھی ملک چھوڑنا چاہتا ہے اسے جانے کی اجازت ہے۔ پولش نائب وزیر داخلہ کے مطابق گزشتہ چوبیس گھنٹوں میں ایک لاکھ سے زائد افراد نے پولینڈ کی سرحد عبور کی ہے۔

ابتدائی جائزوں کے مطابق یوکرائن چھوڑنے والے شہریوں کی تعداد کئی ملین تک پہنچ سکتی ہے۔