روس کے ساتھ امن مذاکرات کرنے والی ٹیم کو زہر دینے کا خدشہ

ویب ڈیسک

28th Mar, 2022. 10:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

روس کے ساتھ امن مذاکرات کرنے والی ٹیم کو زہر دینے کا خدشہ

یوکرین پر روسی حملے کے بعد امن مذاکرات کرنے والی ٹیم کو زہر دینے کا خدشہ ظاہر کیا گیا ہے۔

ایک بین الاقوامی عالمی شہرت یافتہ جریدے نے امن مذاکرات میں موجود افراد کے مطابق لکھا ہے کہ رواں ماہ کے شروع میں یوکرین کی جانب سے امن مذاکرات میں شامل افراد کو زہر دیا گیا ہے۔

جریدے کے مطابق یوکرین کی جانب سے امن مذاکراتی ٹیم میں معروف فٹ بال کلب چیلسی کے مالک اور روسی ارب پتی رومان ابراہمووچ ، کریمین تاتار اور قانون دان رستم عمروف شامل تھے۔

جریدے کی رپورٹ کے مطاق روسی ارب پتی رومان ابراہمووچ نے یوکرین کی امن مذاکراتی پیشکش کو قبول کرتے ہوئے روسی حکام سے مذاکرات کی حامی بھری تھی، ان کے ہمراہ دو دیگر سینئیر یوکرینی اعلیٰ شخصیات بھی تھیں۔

جریدے نے وہاں موجود دیگر افراد کے حوالے سے خبر دیتے ہوئے کہا تھا کہ مذاکراتی ٹیم کے تینوں ممبران کی آنکھیں سُرخ تھیں اور ان کی آنکھوں میں تکلیف تھی جبکہ جلد بھی چھلنا شروع ہو گئی تھی۔

جریدے کے مطابق مذاکراتی ٹیم کے ممبران نے مذاکرات کے بعد اپنی صحت کو برقرار رکھنے کے اقدامات کئے اور اب تینوں ممبران صحت یاب ہیں۔

جریدے نے کہا کہ اس معاملے سے واقف ایک شخص نے میڈیا کو واقعے کی تصدیق کی لیکن کہا کہ ابرامووچ نے اسے کام کرنے سے روکنے کی اجازت نہیں دی۔