بھارتی فوجیوں کی جاری ریاستی دہشت گردی، پلوامہ میں ایک اور نوجوان شہید

ویب ڈیسک

15th Mar, 2022. 10:19 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارتی فوجیوں کی جاری ریاستی دہشت گردی، پلوامہ میں ایک اور نوجوان شہید

بھارتی فوجیوں نے پلوامہ میں ایک اور نوجوان کو شہید کر دیا۔

بھارتی فوجیوں نے اپنی ریاستی دہشت گردی کی تازہ کارروائی میں آج ضلع پلوامہ میں ایک اور نوجوان کو شہید کر دیا، جس کے بعد جمعرات سے اب تک ہلاکتوں کی تعداد 9 ہو گئی۔

نوجوان کو فوجیوں نے جنوبی کشمیر کے پلوامہ ضلع کے اونتی پورہ کے چارسو علاقے میں محاصرے اور تلاشی کی کارروائی کے دوران شہید کیا۔

آپریشن بھارتی فوج، سینٹرل ریزرو پولیس فورس اور پولیس نے مشترکہ طور پر شروع کیا تھا۔

اس سے قبل بھارتی پولیس نے اتوار کو ضلع پلوامہ سے چار کشمیری نوجوانوں کو گرفتار کیا تھا۔

ان چاروں نوجوانوں کی شناخت امتیاز احمد راتھر، نصیر احمد ملک، رئیس احمد شیخ اور یاور رشید گنائی کے نام سے ہوئی تھی۔

بھارتی پولیس نے دعویٰ کیا کہ حراست میں لیے گئے نوجوان مجاہدین کے اوور گراؤنڈ ورکرز تھے۔

تاہم ان کے اہل خانہ نے پولیس کے دعوے کی تردید کرتے ہوئے کہا ہے کہ وہ بے قصور ہیں اور انہیں پولیس نے بغیر کسی وجہ کے گرفتار کیا ہے۔

اس کے علاوہ فوجیوں نے جمعہ کی شام ضلع کے چیوا کلاں علاقے کا محاصرہ کیا اور بڑے پیمانے پر تلاشی کی جبکہ علاقے کے تمام داخلی اور خارجی راستوں کو سیل کر دیا تھا۔