لندن: اپنے ریکارڈ ساز دور میں ملکہ الزبتھ دوم نے بہت سی چیزیں اپنے نام کیں، اس فہرست میں شامل ہونے والا ایک نایاب سفید گینڈا ہے جو برطانوی وائلڈ لائف پارک میں پیدا ہوا ہے۔

یہ گینڈا جنوبی انگلینڈ کے کوٹس والڈ وائلڈ لائف پارک اور گارڈنز میں پیدا ہوا ، اس کا نام ’ کوئنی‘ یعنی ملکہ، بادشاہ کی 70 ویں سالگرہ کے اعزاز میں رکھا گیا ہے۔

پارک کے سربراہ ریگی ہیو ورتھ نے کہا کہ یہاں تمام گینڈوں کا نام بہت خاص لوگوں کے نام پر رکھا گیا ہے اور میرے خیال میں ہر کوئی اس بات پر متفق ہے کہ ملکہ الزبتھ کی پلاٹینم جوبلی کی وجہ سے 2022 ہمیشہ خاص رہے گا۔

پارک کے سربراہ نے ایک بیان میں کہا کہ میں نے سوچا ہمارے نئے بچے کو ‘الزبتھ’ کہنا قدرے متکبرانہ ہوگا، لہذا ہم نے اس کی بجائے اس کا نام ‘کوئنی’ رکھا گیا ہے۔

چڑیا گھر میں صرف گینڈا ہی شاہی سے متعلق پیدائش نہیں ہے بلکہ بیکٹریائی اونٹ کا نام ملکہ کے پڑپوتے پرنس لوئس کے نام پر رکھا گیا تھا کیونکہ وہ ایک ہی دن پیدا ہوئے تھے۔

وائلڈ لائف پارک کے سربراہ کا کہنا تھا کہ سفید گینڈوں کی تعداد ان کے آبائی جنوبی افریقہ میں تحفظ کے تحت آنے کے بعد کچھ حد تک بحال ہو گئی ہے، لیکن قید میں پیدا ہونے والے بچے کم ہی بچ پاتے ہیں۔

پارک کے سربراہ نے کہا کہ پچھلے ایک سال کے دوران برطانیہ میں صرف پانچ سفید گینڈے پیدا ہوئے ہیں۔

انٹرنیشنل یونین فار کنزرویشن آف نیچر کے مطابق گینڈے کی دیگر چار نسلیں یا تو شدید طور پر خطرے سے دوچار ہیں یا جنگلی میں معدوم ہو چکی ہیں۔

یاد رہے کہ ملکہ الزبتھ دوم 70 سال سے برطانیہ پر حکومت کر رہی ہیں اور ان کے نام پر کیک، بحری جہاز، ٹرینیں اور متعدد عمارتیں تھیں۔ لیکن کبھی گینڈا انکے نام پر نہیں تھا جوکہ اب رکھ دیا گیا ہے۔

95 سالہ الزبتھ اپنی پلاٹینم جوبلی منا رہی ہیں اور اس موسم گرما میں درجنوں تقریبات کا انعقاد متوقع ہے لیکن الزبتھ دوم کورونا کے باعث احتیات کر رہی ہیں۔